تالدىقورعاندا ەل يگٸلٸگٸنە سالتانات سارايى پايدالانۋعا بەرٸلدٸ. ەندٸ جاس جۇبايلار نەكەلەرٸن وسى جەردە قييادى, دەپ حابارلايدى "ۇلت اقپارات".
جاڭا نەكە سارايى سەۋلەتٸ جاعىنان قالاعا ەرەكشە كٶرٸك بەرٸپ قانا قويماي, ازاماتتىق حال اكتٸلەرٸن تٸركەپ, 8 تٷرلٸ قىزمەت كٶرسەتەتٸن بولادى. بٷگٸن ەكٸ وتباسى سالتانات سارايىندا العاشقى بولىپ نەكەسٸن قيدىرسا, اعا بۋىن ٶكٸلدەرٸ التىن جەنە گاۋھار تويلارىن اتاپ ٶتتٸ.
«ٶتە قۋانىشتىمىز. ەرينە, ٶتٸنٸش جاساعان كەزدە جاڭا نەكە سارايىندا نەكەمٸز قيىلادى دەپ ويلامادىق. باقىتتىمىز. التىن تويىمىزدى, گاۋھار تويىمىزدى وسىندا ٶتكٸزەمٸز دەگەن ٷمٸتتەمٸز», - دەيدٸ تالدىقورعاندىق مادييار ەرلانۇلى. مادييار بٷگٸن گٷلٸم ەسٸمدٸ باقىت قۇسىن قولىنا قوندىردى. قۋانىش يەلەرٸن وبلىس باسشىسى اماندىق باتالوۆ قۇتتىقتاپ, جىلى لەبٸزٸن بٸلدٸردٸ.
جالپى نىسان 160 ادامعا لايىقتالىپ سالىنعان. ال مەكەمەنٸڭ قۇرىلىسىنا 1.5 ملرد تەڭگەگە جۋىق قارجى جۇمسالدى. ەستەرٸڭٸزگە سالا كەتەيٸك, سالتانات سارايىنىڭ قۇرىلىسى 2016 جىلى باستالعان بولاتىن.
