Qazaqstanda mobildi aýdarymdarǵa júrgizilgen monitoring nátijesinde 115 myń adam baqylaýǵa ilikti. Bul týraly Qarjy ministri Mádi Takiev málimdedi, dep habarlaidy ult.kz.
Ministrdiń aitýynsha, bankter usynǵan málimetterge sáikes, atalǵan azamattar úsh ai qatarynan 100-den astam aýdarym qabyldap, olardyń jalpy somasy 1 million 20 myń teńgeden asqan. Tekserýge túsken aýdarymdardyń jiyntyq kólemi 1 trillion teńgeden asady.
Onyń ishinde 670 milliard teńge jeke tulǵalar arasynda aýdarylǵan. Sonymen qatar baqylaýǵa alynǵandardyń qatarynda 7 800 beirezident bar.
«Olar boiynsha baqylaýdy kúsheittik. Qarajattyń qaidan kelgeni jáne qaida jumsalǵany anyqtalady. Sondai-aq shamamen 200 milliard teńge kóleminde aýdarym jasaǵan jeke kásipkerler de bar. Barlyǵyna túsinikteme berý úshin habarlama jiberildi», – dedi Mádi Takiev.
Ministrdiń sózinshe, baqylaýǵa ilikkenderdiń arasynda taksi júrgizýshileri men kýrerler kóp. Kóbi mobildi aýdarymdarǵa qatysty jańa talaptardan habarsyz bolǵanyn aityp, salyq organdaryna júgingen.
Qarjy ministrligi bul sharalardyń maqsaty azamattardy jazalaý emes, kásipkerlik qyzmetten túsetin tabystardy zań aiasynda baqylaý ekenin atap ótti.
