Tailandtyń Pattaiia qalasynda Reseiden kelgen ápke men inisi jumbaq jaǵdaida joǵalyp ketýi qoǵamda úlken rezonans týdyrdy, dep habarlaidy ult.kz.
Oqiǵa 26 shilde kúni tańǵy saǵat tórt shamasynda bolǵan. Túmen qalasynyń 22 jastaǵy turǵyny Diana Nazimova men onyń 17 jastaǵy inisi Roman bir mototsiklmen úiden shyǵyp ketken. Baqylaý kameralary olardyń aýdannan ketkenin tirkegen.
Arada 24 minýt ótken soń Diananyń telefonynan «Shuǵyl» degen jalǵyz sóz jazylǵan habarlama kelgen. Dál sol ýaqytta smartfon sońǵy geolokatsiiasyn jibergen. Ol úiden nebári 200 metr qashyqtyqty kórsetken. Osydan keiin aǵaly-qaryndas bailanysqa shyqpaǵan.
Joǵalyp keterdiń aldynda Diana anasyna iPhone telefony belgisiz Bluetooth qurylǵysyn anyqtaǵanyn aityp, ózin bireýdiń ańdyp júrgenin sezetinin jetkizgen.
Qyzdyń anasy birden politsiiaǵa júgingen. Keiin Reseidiń Tailandtaǵy elshiligi de iske aralasyp, jergilikti quqyq qorǵaý organdarymen turaqty bailanysta ekenin málimdedi.
Jergilikti BAQ-tyń habarlaýynsha, tergeý barysynda kúdikti anyqtalyp, onyń úiine arnaiy jasaqpen operatsiia júrgizilgen. Alaida aǵaly-qaryndastyń taǵdyry ázirge belgisiz. Tergeý jalǵasyp jatyr.
