28 aqpan kúni Qazaqstan densaýlyq saqtaý ministrligi elde koronavirýs infektsiiasyn juqtyrýshylar 849 adamǵa artqanyn, aýrýdan taǵy 15 adamnyń qaitys bolǵanyn habarlady.
Jańa tirkelgen naýqastardyń 791-inde PTR testi oń shyqqan (KVI+), 58-inde PTR teris shyqqan, biraq olarǵa aýrý belgileri boiynsha koronavirýsqa uqsaityn pnevmoniia (KVI-) diagnozy qoiylǵan.
Qaitys bolǵan 15 adamnyń 13-i KVI+, ekeýi KVI- naýqastary qatarynan anyqtalǵan.
Qazaqstanda PTR testimen rastalǵan naýqastardyń kúndelik sany bir kúnnen soń, koronavirýs pnevmoniiasy, Covid ólimi derekteri eki kúnnen soń jariialanyp júr. Iaǵni virýs juqtyrǵany anyqtalǵan 791 naýqas 27 aqpan kúni tirkelse, koronavirýs pnevmoniiasyna shaldyqty degen 58 naýqas pen 15 adamnyń ólimi 26 aqpan kúni tirkelgen.
Osylaisha virýs juqtyrǵany PTR testimen rastalǵan naýqastardyń jalpy sany 212 809 adamǵa jetip otyr. Onyń 196 342-si jazylyp shyqqan, 2756-sy qaitys bolǵan. Aýrýdan kóz jumǵandar statistikasyna virýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmei qalǵan.
Qazaqstan úkimeti byltyr 1 tamyzdan bastap PTR testimen rastalmaǵan koronavirýs pnevmoniiasy esebin júrgize bastady. Pnevmoniianyń bul túrimen tamyzdyń basynan beri 49 284 adam tirkelip otyr. Onyń 42 093-i jazylyp shyqqan, 622-si kóz jumǵan.
Qazaqstan biligi koronavirýs statistikasyn KVI- jáne KVI- dep eki bólek sanap otyr. Biraq Dúniejúzilik densaýlyq saqtaý uiymy sekildi halyqaralyq uiymdar bul eki derekti biriktirip kórsetip otyr.
Densaýlyq saqtaý ministrligi taratqan aqparatqa qaraǵanda, qazir koronavirýs infektsiiasynan 20 280 adam (13 711 KVI+ jáne 6 569 KVI-) emdelip jatyr. Onyń 4 483-i statsionarda, 15 797-i ambýlatoriialyq jaǵdaida emdelip jatyr. 249 naýqastyń jaǵdaiy aýyr, 52 naýqastyń jaǵdaiy óte aýyr, 42 naýqas ókpeni jeldetý apparatyna qosylǵan.
Óńirler boiynsha juqtyrǵandar sany:
Nur-Sultan qalasynda - 25053 (+92),
Almaty qalasynda - 24977 (+99),
Shyǵys Qazaqstan oblysynda - 21998 (+53),
Atyraý oblysynda - 17167 (+46),
Pavlodar oblysynda - 17535 (+80),
Qaraǵandy oblysynda - 15401 (+53),
Aqmola oblysynda - 13580 (+70),
Batys Qazaqstan oblysynda – 12973 (+63),
Soltústik Qazaqstan oblysynda - 12310 (+35),
Qostanai oblysynda - 12312 (+63),
Almaty oblysynda - 10796 (+69),
Shymkent qalasynda - 6147 (+24),
Jambyl oblysynda - 5947 (+12),
Túrkistan oblysynda - 4284 (+8),
Mańǵystaý oblysynda - 4226 (+7),
Aqtóbe oblysynda - 4262 (+11),
Qyzylorda oblysynda - 3841 (+6).
