28 اقپان كٷنٸ قازاقستان دەنساۋلىق ساقتاۋ مينيسترلٸگٸ ەلدە كوروناۆيرۋس ينفەكتسيياسىن جۇقتىرۋشىلار 849 ادامعا ارتقانىن, اۋرۋدان تاعى 15 ادامنىڭ قايتىس بولعانىن حابارلادى.
جاڭا تٸركەلگەن ناۋقاستاردىڭ 791-ٸندە پتر تەستٸ وڭ شىققان (كۆي+), 58-ٸندە پتر تەرٸس شىققان, بٸراق ولارعا اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا (كۆي-) دياگنوزى قويىلعان.
قايتىس بولعان 15 ادامنىڭ 13-ٸ كۆي+, ەكەۋٸ كۆي- ناۋقاستارى قاتارىنان انىقتالعان.
قازاقستاندا پتر تەستٸمەن راستالعان ناۋقاستاردىڭ كٷندەلٸك سانى بٸر كٷننەن سوڭ, كوروناۆيرۋس پنەۆمونيياسى, Covid ٶلٸمٸ دەرەكتەرٸ ەكٸ كٷننەن سوڭ جارييالانىپ جٷر. ياعني ۆيرۋس جۇقتىرعانى انىقتالعان 791 ناۋقاس 27 اقپان كٷنٸ تٸركەلسە, كوروناۆيرۋس پنەۆمونيياسىنا شالدىقتى دەگەن 58 ناۋقاس پەن 15 ادامنىڭ ٶلٸمٸ 26 اقپان كٷنٸ تٸركەلگەن.
وسىلايشا ۆيرۋس جۇقتىرعانى پتر تەستٸمەن راستالعان ناۋقاستاردىڭ جالپى سانى 212 809 ادامعا جەتٸپ وتىر. ونىڭ 196 342-سٸ جازىلىپ شىققان, 2756-سى قايتىس بولعان. اۋرۋدان كٶز جۇمعاندار ستاتيستيكاسىنا ۆيرۋس جۇقتىرعانى راستالعان, بٸراق "ٸلەسپە اۋرۋدان قايتىس بولدى" دەگەن جٷزدەگەن ادام كٸرمەي قالعان.
قازاقستان ٷكٸمەتٸ بىلتىر 1 تامىزدان باستاپ پتر تەستٸمەن راستالماعان كوروناۆيرۋس پنەۆمونيياسى ەسەبٸن جٷرگٸزە باستادى. پنەۆمونييانىڭ بۇل تٷرٸمەن تامىزدىڭ باسىنان بەرٸ 49 284 ادام تٸركەلٸپ وتىر. ونىڭ 42 093-ٸ جازىلىپ شىققان, 622-سٸ كٶز جۇمعان.
قازاقستان بيلٸگٸ كوروناۆيرۋس ستاتيستيكاسىن كۆي- جەنە كۆي- دەپ ەكٸ بٶلەك ساناپ وتىر. بٸراق دٷنيەجٷزٸلٸك دەنساۋلىق ساقتاۋ ۇيىمى سەكٸلدٸ حالىقارالىق ۇيىمدار بۇل ەكٸ دەرەكتٸ بٸرٸكتٸرٸپ كٶرسەتٸپ وتىر.
دەنساۋلىق ساقتاۋ مينيسترلٸگٸ تاراتقان اقپاراتقا قاراعاندا, قازٸر كوروناۆيرۋس ينفەكتسيياسىنان 20 280 ادام (13 711 كۆي+ جەنە 6 569 كۆي-) ەمدەلٸپ جاتىر. ونىڭ 4 483-ٸ ستاتسيوناردا, 15 797-ٸ امبۋلاتورييالىق جاعدايدا ەمدەلٸپ جاتىر. 249 ناۋقاستىڭ جاعدايى اۋىر, 52 ناۋقاستىڭ جاعدايى ٶتە اۋىر, 42 ناۋقاس ٶكپەنٸ جەلدەتۋ اپپاراتىنا قوسىلعان.
ٶڭٸرلەر بويىنشا جۇقتىرعاندار سانى:
نۇر-سۇلتان قالاسىندا - 25053 (+92),
الماتى قالاسىندا - 24977 (+99),
شىعىس قازاقستان وبلىسىندا - 21998 (+53),
اتىراۋ وبلىسىندا - 17167 (+46),
پاۆلودار وبلىسىندا - 17535 (+80),
قاراعاندى وبلىسىندا - 15401 (+53),
اقمولا وبلىسىندا - 13580 (+70),
باتىس قازاقستان وبلىسىندا – 12973 (+63),
سولتٷستٸك قازاقستان وبلىسىندا - 12310 (+35),
قوستاناي وبلىسىندا - 12312 (+63),
الماتى وبلىسىندا - 10796 (+69),
شىمكەنت قالاسىندا - 6147 (+24),
جامبىل وبلىسىندا - 5947 (+12),
تٷركٸستان وبلىسىندا - 4284 (+8),
ماڭعىستاۋ وبلىسىندا - 4226 (+7),
اقتٶبە وبلىسىندا - 4262 (+11),
قىزىلوردا وبلىسىندا - 3841 (+6).
