Shymkent qalasynda aýyr júk kóliginiń qatysýymen adam ólimine ákelgen jol-kólik oqiǵasy tirkeldi. Oqiǵa saldarynan 11 jastaǵy bala qaza tapty. Qazir jaǵdaidyń tolyq mán-jaiy anyqtalyp jatyr, dep habarlaidy ult.kz.
Aqparatqa sáikes, oqiǵa Abai aýdany ákimdigine qarasty kommýnaldyq mekemege tiesili aýyr júk kóligi qatysýymen bolǵan. Bala jaiaý júrginshiler ótkelinen ótip bara jatqan sátte kólik ony qaǵyp ketken.
Marqum biyl 5-synypty aiaqtaǵan Nurasyl ekeni habarlandy. Ol otbasyndaǵy alty balanyń ekinshisi bolǵan. Qaiǵyly oqiǵa bolǵan kúni ol qaryndasymen birge dúkenge balmuzdaq alýǵa shyqqan.
Kýágerlerdiń aitýynsha, bala oqiǵa ornynda kóz jumǵan. Júrgizýshi sol jerde ustalyp, keiin ýaqytsha ustaý izoliatoryna qamaldy. Kólik arnaiy aiypturaqqa qoiylǵan.
Qalalyq politsiia departamenti bul fakti boiynsha qylmystyq is qozǵalǵanyn habarlady. Tergeý amaldary júrgizilip jatyr, oqiǵanyń barlyq mán-jaiy anyqtalýda.
