شىمكەنت قالاسىندا اۋىر جٷك كٶلٸگٸنٸڭ قاتىسۋىمەن ادام ٶلٸمٸنە ەكەلگەن جول-كٶلٸك وقيعاسى تٸركەلدٸ. وقيعا سالدارىنان 11 جاستاعى بالا قازا تاپتى. قازٸر جاعدايدىڭ تولىق مەن-جايى انىقتالىپ جاتىر, دەپ حابارلايدى ult.kz.
اقپاراتقا سەيكەس, وقيعا اباي اۋدانى ەكٸمدٸگٸنە قاراستى كوممۋنالدىق مەكەمەگە تيەسٸلٸ اۋىر جٷك كٶلٸگٸ قاتىسۋىمەن بولعان. بالا جاياۋ جٷرگٸنشٸلەر ٶتكەلٸنەن ٶتٸپ بارا جاتقان سەتتە كٶلٸك ونى قاعىپ كەتكەن.
مارقۇم بيىل 5-سىنىپتى اياقتاعان نۇراسىل ەكەنٸ حابارلاندى. ول وتباسىنداعى التى بالانىڭ ەكٸنشٸسٸ بولعان. قايعىلى وقيعا بولعان كٷنٸ ول قارىنداسىمەن بٸرگە دٷكەنگە بالمۇزداق الۋعا شىققان.
كۋەگەرلەردٸڭ ايتۋىنشا, بالا وقيعا ورنىندا كٶز جۇمعان. جٷرگٸزۋشٸ سول جەردە ۇستالىپ, كەيٸن ۋاقىتشا ۇستاۋ يزولياتورىنا قامالدى. كٶلٸك ارنايى ايىپتۇراققا قويىلعان.
قالالىق پوليتسييا دەپارتامەنتٸ بۇل فاكتٸ بويىنشا قىلمىستىق ٸس قوزعالعانىن حابارلادى. تەرگەۋ امالدارى جٷرگٸزٸلٸپ جاتىر, وقيعانىڭ بارلىق مەن-جايى انىقتالۋدا.
