Erli-zaiypty shamamen bes jyl buryn ajyrasqan. Olardyń ortaq balasy bar. Áiel sulýlyq salonynda jumys isteidi, dep habarlaidy ult.kz.
Shabýyl bolǵan kúni burynǵy kúieýi oǵan basqa nómirden habarlasyp, ózin klient retinde tanystyrǵan. Ol áielden keshki ýaqytta qabyldaýyn suraǵan. Keiin sulýlyq salonyna quramynda qyshqyly bar ydyspen kelip, ony áieldiń ústine tógip jibergen.
Jábirlenýshi basy, beti, moiny, keýdesi, qoly, arqasy men iyǵynan aýyr kúiik alǵan. Qazir ol aýrýhanada jatyr. Aldyn ala boljam boiynsha, janjalǵa nesie jáne aliment tóleýge qatysty máseleler sebep bolýy múmkin.
Er adam ustaldy. Atalǵan fakti boiynsha Qarataý aýdandyq politsiia basqarmasy QR Qylmystyq kodeksiniń 107-baby boiynsha tergeý júrgizip jatyr. Bul bap boiynsha úsh jylǵa deiin bas bostandyǵynan aiyrý jazasy qarastyrylǵan.
