ەرلٸ-زايىپتى شامامەن بەس جىل بۇرىن اجىراسقان. ولاردىڭ ورتاق بالاسى بار. ەيەل سۇلۋلىق سالونىندا جۇمىس ٸستەيدٸ, دەپ حابارلايدى ult.kz.
شابۋىل بولعان كٷنٸ بۇرىنعى كٷيەۋٸ وعان باسقا نٶمٸردەن حابارلاسىپ, ٶزٸن كليەنت رەتٸندە تانىستىرعان. ول ەيەلدەن كەشكٸ ۋاقىتتا قابىلداۋىن سۇراعان. كەيٸن سۇلۋلىق سالونىنا قۇرامىندا قىشقىلى بار ىدىسپەن كەلٸپ, ونى ەيەلدٸڭ ٷستٸنە تٶگٸپ جٸبەرگەن.
جەبٸرلەنۋشٸ باسى, بەتٸ, موينى, كەۋدەسٸ, قولى, ارقاسى مەن يىعىنان اۋىر كٷيٸك العان. قازٸر ول اۋرۋحانادا جاتىر. الدىن الا بولجام بويىنشا, جانجالعا نەسيە جەنە اليمەنت تٶلەۋگە قاتىستى مەسەلەلەر سەبەپ بولۋى مٷمكٸن.
ەر ادام ۇستالدى. اتالعان فاكتٸ بويىنشا قاراتاۋ اۋداندىق پوليتسييا باسقارماسى قر قىلمىستىق كودەكسٸنٸڭ 107-بابى بويىنشا تەرگەۋ جٷرگٸزٸپ جاتىر. بۇل باپ بويىنشا ٷش جىلعا دەيٸن باس بوستاندىعىنان ايىرۋ جازاسى قاراستىرىلعان.
