Foto:gov.kz
2024 jyldyń birinshi toqsanynda suiytylǵan munai gazynyń 1 litri shamamen 5 teńgege qymbattaidy. Bul týraly Energetika vitse-ministri Álibek Jamaýov aitty, dep habarlaidy Kazinform.
«Búginde respýblikada aiyna 135 myń tonna suiytylǵan munai gazy óndiriledi. Tutyný budan da kóp (aiyna 140-145 myń tonna - red.). Soǵan bailanysty tapshylyq týyndaidy. Avtomobil ieleriniń kópshiligi suiytylǵan munai gazyna aýysyp jatqanyn bilemiz. Gaz balonyn ornatý rettelmeidi», - dedi ol BAQ ókilderine arnalǵan brifingte.
Onyń atap ótýinshe, óndiris tutyný kólemin qamtamasyz ete almai otyr.
«Sondyqtan da birqatar shara qabyldadyq. Teńizshevroilmen ishki naryqqa ai saiyn 10 myń tonna gaz jetkizýge ýaǵdalastyq. 13 qarashada suiytylǵan munai gazynyń eksportyna tolyq shekteý engizdik. Kazrosgaz kompaniiasymen Orynbor munai óńdeý zaýytynan suiytylǵan munai gazynyń qosymsha kólemin baǵyttaý týraly kelistik. Qazirgi ýaqytta tapshylyq baiqalmaidy», - dedi vitse-ministr.
Budan bólek ol kelesi jyldan gaz baǵasy kóteriletindigin aitty.
«Energetika ministrligi gaz baǵasyn birtindep kóterýdi kózdeidi. 2024 jyldyń birinshi toqsanynda suiytylǵan munai gazynyń 1 litri shamamen 5 teńgege kóteriledi dep kútemiz. Odan keiin aldaǵy 3 jyldyń ishinde gaz baǵasy ár 6 ai saiyn qymbattap otyrmaq», - dedi Álibek Jamaýov.
