Shekarashylar Qazaqstannan Katarǵa zańsyz áketilip bara jatqan suńqarlar men itelgilerdi anyqtady, dep habarlaidy "Ult aqparat" QR UQK Shekara qyzmetiniń baspasóz qyzmetine silteme jasap.
Quzyrly vedomstvonyń habarlaýynsha, Qyzyl kitapqa engen jyrtqysh qustar sáikestendirme saqinasynyń tolyqtyǵynyń buzylýymen Katar eline tasymaldanyp bara jatqan.
«Almaty» halyqaralyq áýejaiynyń ótkizý pýnktiniń shekaralyq nariady «Almaty - Doha» reisine tielip jatqan júkterdi tekserý kezinde úsh aǵash qoraptan 14 suńqar men itelgini baiqady. Olardyń sáikestendirme saqinasynyń tolyqtyǵynyń buzylǵany anyqtalǵan», - delingen habarlamada.
Tiisti aqparattarǵa qaraǵanda, aýlaýǵa bolatyn jyrtqysh qustardy tirkeý men esepke alý erejesi boiynsha olarda sheshilmeitin saqina nemese mikrochip bolýy kerek.
«Zańsyz tasymaldyń tirkelgeni týraly quqyq qorǵaý men QR AShM baqylaý jáne veterinarlyq qadaǵalaý aýmaqtyq inspektsiiasyna habar berildi», - dedi baspasóz qyzmeti.
