شەكاراشىلار قازاقستاننان كاتارعا زاڭسىز ەكەتٸلٸپ بارا جاتقان سۇڭقارلار مەن يتەلگٸلەردٸ انىقتادى, دەپ حابارلايدى "ۇلت اقپارات" قر ۇقك شەكارا قىزمەتٸنٸڭ باسپاسٶز قىزمەتٸنە سٸلتەمە جاساپ.
قۇزىرلى ۆەدومستۆونىڭ حابارلاۋىنشا, قىزىل كٸتاپقا ەنگەن جىرتقىش قۇستار سەيكەستەندٸرمە ساقيناسىنىڭ تولىقتىعىنىڭ بۇزىلۋىمەن كاتار ەلٸنە تاسىمالدانىپ بارا جاتقان.
«الماتى» حالىقارالىق ەۋەجايىنىڭ ٶتكٸزۋ پۋنكتٸنٸڭ شەكارالىق ناريادى «الماتى - دوحا» رەيسٸنە تيەلٸپ جاتقان جٷكتەردٸ تەكسەرۋ كەزٸندە ٷش اعاش قوراپتان 14 سۇڭقار مەن يتەلگٸنٸ بايقادى. ولاردىڭ سەيكەستەندٸرمە ساقيناسىنىڭ تولىقتىعىنىڭ بۇزىلعانى انىقتالعان», - دەلٸنگەن حابارلامادا.
تيٸستٸ اقپاراتتارعا قاراعاندا, اۋلاۋعا بولاتىن جىرتقىش قۇستاردى تٸركەۋ مەن ەسەپكە الۋ ەرەجەسٸ بويىنشا ولاردا شەشٸلمەيتٸن ساقينا نەمەسە ميكروچيپ بولۋى كەرەك.
«زاڭسىز تاسىمالدىڭ تٸركەلگەنٸ تۋرالى قۇقىق قورعاۋ مەن قر اشم باقىلاۋ جەنە ۆەتەرينارلىق قاداعالاۋ اۋماقتىق ينسپەكتسيياسىنا حابار بەرٸلدٸ», - دەدٸ باسپاسٶز قىزمەتٸ.
