Foto: habarlama.com
"Qazaqstan halqyna" qoryna túsken qarjynyń esebinen Batys Qazaqstan oblysynda júzden astam jańa úi salynady, dep habarlaidy «Ult aqparat» qordyń resmi saityna silteme jasap.
Qor basshylylyǵy men Batys Qazaqstan oblysynyń ákimdigi arnaiy memorandýmdy rásimdedi. Oǵan sáikes, Syrym aýdanynda sý tasqynynan zardap shekken otbasylar úshin úlgilik jobamen 114 jańa úi salynady.
1.Jympity aýyly - 49 úi;
2.Buldyrty aýyly - 25 úi;
3.Óleńti aýyly - 38 úi;
4.Jetikól aýyly-1 úi;
5.Jańaqonys aýyly-1 úi.
"Osy eldi mekenderdegi sý tasqynynan zaqymdanǵan bul úiler obektivti tekserý qorytyndysy boiynsha jóndeýge jaramaidy", - deidi qor mamandary.
Qazirgi kezde jańa úilerge arnalǵan jer ýchaskeleri anyqtaldy. Oǵan qajetti injenerlik infraqurylym tartylady. Al oblys ákimdigi qoǵamdyq belsendilermen birge qurylys jumystarynyń barysy men sapasyn baqylaidy.
"Qazaqstan halqy" qory tóraǵasynyń orynbasary Lázzat Shyńǵysbaevanyń aitýynsha, qamqorshylyq keńestiń sheshimimen jańa úilerdiń qurylysyna 10 mlrd teńge, sondai-aq qazaqstandyqtar men biznes ókilderi jibergen qarjy jumsalady.
"Biz ortaq kúsh-jigerimizben qysqa merzimde jańa úiler qurylysyn bastap, olardy tolyqtai bitirip, qiynshylyqqa tap bolǵan otandastarymyzǵa kómektese alamyz dep úmittenemiz", - deidi Shyńǵysbaeva.
Jaqyn arada Soltústik Qazaqstan, Qostanai, Aqtóbe jáne Aqmola oblystarynda qurylys úshin aýyldar men aýmaqtar anyqtalyp, tiisti memorandýmdarǵa qol qoiylady.
Búgingi tańda qordyń shottaryna 2,9 mlrd teńge somasyna qaiyrymdylyq jarnalary tústi. Osy oraida qor qaiyrymdylyq úshin tek resmi saitta kórsetilgen shottar men derektemelerdi paidalanýdy suraidy. Al jeke tulǵalar aýdarymdardy bankterdiń mobildi qosymshalarynda "Qaiyrymdylyq" bólimi arqyly jasai alady.
