فوتو: habarlama.com
"قازاقستان حالقىنا" قورىنا تٷسكەن قارجىنىڭ ەسەبٸنەن باتىس قازاقستان وبلىسىندا جٷزدەن استام جاڭا ٷي سالىنادى, دەپ حابارلايدى «ۇلت اقپارات» قوردىڭ رەسمي سايتىنا سٸلتەمە جاساپ.
قور باسشىلىلىعى مەن باتىس قازاقستان وبلىسىنىڭ ەكٸمدٸگٸ ارنايى مەموراندۋمدى رەسٸمدەدٸ. وعان سەيكەس, سىرىم اۋدانىندا سۋ تاسقىنىنان زارداپ شەككەن وتباسىلار ٷشٸن ٷلگٸلٸك جوبامەن 114 جاڭا ٷي سالىنادى.
1.جىمپيتى اۋىلى - 49 ٷي;
2.بۇلدىرتى اۋىلى - 25 ٷي;
3.ٶلەڭتٸ اۋىلى - 38 ٷي;
4.جەتٸكٶل اۋىلى-1 ٷي;
5.جاڭاقونىس اۋىلى-1 ٷي.
"وسى ەلدٸ مەكەندەردەگٸ سۋ تاسقىنىنان زاقىمدانعان بۇل ٷيلەر وبەكتيۆتٸ تەكسەرۋ قورىتىندىسى بويىنشا جٶندەۋگە جارامايدى", - دەيدٸ قور ماماندارى.
قازٸرگٸ كەزدە جاڭا ٷيلەرگە ارنالعان جەر ۋچاسكەلەرٸ انىقتالدى. وعان قاجەتتٸ ينجەنەرلٸك ينفراقۇرىلىم تارتىلادى. ال وبلىس ەكٸمدٸگٸ قوعامدىق بەلسەندٸلەرمەن بٸرگە قۇرىلىس جۇمىستارىنىڭ بارىسى مەن ساپاسىن باقىلايدى.
"قازاقستان حالقى" قورى تٶراعاسىنىڭ ورىنباسارى لەززات شىڭعىسباەۆانىڭ ايتۋىنشا, قامقورشىلىق كەڭەستٸڭ شەشٸمٸمەن جاڭا ٷيلەردٸڭ قۇرىلىسىنا 10 ملرد تەڭگە, سونداي-اق قازاقستاندىقتار مەن بيزنەس ٶكٸلدەرٸ جٸبەرگەن قارجى جۇمسالادى.
"بٸز ورتاق كٷش-جٸگەرٸمٸزبەن قىسقا مەرزٸمدە جاڭا ٷيلەر قۇرىلىسىن باستاپ, ولاردى تولىقتاي بٸتٸرٸپ, قيىنشىلىققا تاپ بولعان وتانداستارىمىزعا كٶمەكتەسە الامىز دەپ ٷمٸتتەنەمٸز", - دەيدٸ شىڭعىسباەۆا.
جاقىن ارادا سولتٷستٸك قازاقستان, قوستاناي, اقتٶبە جەنە اقمولا وبلىستارىندا قۇرىلىس ٷشٸن اۋىلدار مەن اۋماقتار انىقتالىپ, تيٸستٸ مەموراندۋمدارعا قول قويىلادى.
بٷگٸنگٸ تاڭدا قوردىڭ شوتتارىنا 2,9 ملرد تەڭگە سوماسىنا قايىرىمدىلىق جارنالارى تٷستٸ. وسى ورايدا قور قايىرىمدىلىق ٷشٸن تەك رەسمي سايتتا كٶرسەتٸلگەن شوتتار مەن دەرەكتەمەلەردٸ پايدالانۋدى سۇرايدى. ال جەكە تۇلعالار اۋدارىمداردى بانكتەردٸڭ موبيلدٸ قوسىمشالارىندا "قايىرىمدىلىق" بٶلٸمٸ ارقىلى جاساي الادى.
