تەمٸرتاۋ قالاسىندا جولاۋشىلارى بار اۆتوبۋس قوزعالىس كەزٸندە اعاشقا سوعىلدى. وقيعا سالدارىنان اۆتوبۋس جٷرگٸزۋشٸسٸ كٶز جۇمدى. جولاۋشىلار زارداپ شەككەن جوق. بۇل تۋرالى قاراعاندى وبلىسىنىڭ پوليتسييا دەپارتامەنتٸ حابارلادى, دەپ جازادى ult.kz.
پوليتسييا مەلٸمەتٸنشە, 14 قاراشا كٷنٸ ساعات 10:30 شاماسىندا Yutong ماركالى جولاۋشىلار اۆتوبۋسى اعاشقا سوعىلعان.
الدىن الا مەلٸمەت بويىنشا, اۆتوبۋس تٸزگٸنٸندە بولعان 64 جاستاعى جٷرگٸزۋشٸنٸڭ جول ٷستٸندە كەنەتتەن جاعدايى ناشارلاپ, ەسٸنەن تانىپ قالعان. سونىڭ سالدارىنان كٶلٸك باسقارۋدان شىعىپ, اعاشقا سوعىلعان. جٷرگٸزۋشٸ وقيعا ورنىندا قايتىس بولدى.
اۆتوبۋس سالونىندا شامامەن 15 جولاۋشى بولعان. ولاردىڭ ەشقايسىسى زارداپ شەككەن جوق.
تەمٸرتاۋ قالالىق پوليتسييا باسقارماسى شىعىس پوليتسييا بٶلٸمٸنٸڭ باستىعى تالعات وسپانوۆتىڭ ايتۋىنشا, اتالعان جول-كٶلٸك وقيعاسى تٸركەلٸپ, قازٸرگٸ ۋاقىتتا ونىڭ بارلىق مەن-جايى انىقتالىپ جاتىر.
