Pavlodar kósheleriniń biri sý qubyrynyń buzylýy saldarynan sý astynda qaldy. Kósheniń birneshe bóligindegi qozǵalys toqtatyldy. Kommýnaldyq qyzmetter apatty joiý úshin jiyrma kópqabatty turǵyn úidi sýmen jabdyqtaý júiesinen ajyratty, dep habarlaidy "Ult aqparat" Pavlodarnews.kz saityna silteme jasap.
Shevchenko kóshesinen Tolstoi kóshesine deiin qozǵalys jabyldy. Qala ákimdiginiń baspasóz qyzmeti habarlaǵandai, Pavlodarda Kataev kóshesi, 16 mekenjaiy boiynsha qudyqtan sý aǵyp jatqany anyqtaldy. Qazirgi ýaqytta «Pavlodar sý kanaly» JShS apattyq brigadasy jarylǵan oryndy anyqtaý úshin sýdy sorý jumystaryn júrgizýde.
«Pavlodar qalasynyń ákimdigimen irgeles jatqan turǵyn úilerdiń jertólelerinen sýdy sorý úshin «Kommýnservis» KMM arnaiy tehnikasy jumyldyryldy», - delingen qalanyń baspasóz qyzmetiniń habarlamasynda.
Apat saldaryn joiý boiynsha jumystardyń júrgizilýine bailanysty Kataev kóshesi boiymen Shevchenko kóshesinen Tolstoi kóshesine deiin avtomobil kóliginiń qozǵalysy ýaqytsha toqtatyldy.
