پاۆلودار كٶشەلەرٸنٸڭ بٸرٸ سۋ قۇبىرىنىڭ بۇزىلۋى سالدارىنان سۋ استىندا قالدى. كٶشەنٸڭ بٸرنەشە بٶلٸگٸندەگٸ قوزعالىس توقتاتىلدى. كوممۋنالدىق قىزمەتتەر اپاتتى جويۋ ٷشٸن جيىرما كٶپقاباتتى تۇرعىن ٷيدٸ سۋمەن جابدىقتاۋ جٷيەسٸنەن اجىراتتى, دەپ حابارلايدى "ۇلت اقپارات" Pavlodarnews.kz سايتىنا سٸلتەمە جاساپ.
شەۆچەنكو كٶشەسٸنەن تولستوي كٶشەسٸنە دەيٸن قوزعالىس جابىلدى. قالا ەكٸمدٸگٸنٸڭ باسپاسٶز قىزمەتٸ حابارلاعانداي, پاۆلوداردا كاتاەۆ كٶشەسٸ, 16 مەكەنجايى بويىنشا قۇدىقتان سۋ اعىپ جاتقانى انىقتالدى. قازٸرگٸ ۋاقىتتا «پاۆلودار سۋ كانالى» جشس اپاتتىق بريگاداسى جارىلعان ورىندى انىقتاۋ ٷشٸن سۋدى سورۋ جۇمىستارىن جٷرگٸزۋدە.
«پاۆلودار قالاسىنىڭ ەكٸمدٸگٸمەن ٸرگەلەس جاتقان تۇرعىن ٷيلەردٸڭ جەرتٶلەلەرٸنەن سۋدى سورۋ ٷشٸن «كوممۋنسەرۆيس» كمم ارنايى تەحنيكاسى جۇمىلدىرىلدى», - دەلٸنگەن قالانىڭ باسپاسٶز قىزمەتٸنٸڭ حابارلاماسىندا.
اپات سالدارىن جويۋ بويىنشا جۇمىستاردىڭ جٷرگٸزٸلۋٸنە بايلانىستى كاتاەۆ كٶشەسٸ بويىمەن شەۆچەنكو كٶشەسٸنەن تولستوي كٶشەسٸنە دەيٸن اۆتوموبيل كٶلٸگٸنٸڭ قوزعالىسى ۋاقىتشا توقتاتىلدى.
