Óńirlerde koronavirýsty juqtyrý statistikasyn ádeii burmalaý jaǵdaiy tirkeldi me? Ortalyq kommýnikatsiialar qyzmetiniń alańynda tilshilerdiń bul suraǵy Densaýlyq saqtaý birinshi vitse-ministri Marat Shoranovqa qoiyldy, dep habarlaidy QazAqparat.
«Mundai faktiler bolǵan joq. Buryn meditsinalyq statistika ai saiyn jinalatyn. Koronavirýs paida bolǵannan keiin KVI+ statistikasyn kún saiyn jinai bastadyq. KVI+ statistikasyn apta saiyn dúisenbide berip otyrǵan sebebimizdi túsindirdik. Ózińiz aitqandai, statistikamen oinap otyrǵan azamattar joq», - dedi Marat Shoranov.
Eske sala ketsek búgin, iaǵni 27 qańtar kúni tańerteń Qazaqstanda koronavirýspen aýyrǵandardyń jalpy sany 181 117-ge jetkeni habarlanǵan bolatyn. El ishindegi indetti toqtatý úshin 1 aqpannan bastap vaktsinalaý bastalady.
«Jalpy jyl sońyna deiin 6 mln adamǵa ekpe salýdy josparlap otyrmyz. Alaida mundai kólemdegi vaktsina naryqta bolýy kerek. Bul tegin meditsinalyq kómektiń kepildik berilgen kólemi aiasynda vaktsinatsiia tegin bolady. Elde vaktsinalaýdy memleket esebinen júrgizý qarastyrylyp jatyr. Úkimet rezervinen tiisti qarajat bólinedi. Tiisinshe vaktsinalaý tegin bolady», - deidi Marat Shoranov.
