ٶڭٸرلەردە كوروناۆيرۋستى جۇقتىرۋ ستاتيستيكاسىن ەدەيٸ بۇرمالاۋ جاعدايى تٸركەلدٸ مە? ورتالىق كوممۋنيكاتسييالار قىزمەتٸنٸڭ الاڭىندا تٸلشٸلەردٸڭ بۇل سۇراعى دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆقا قويىلدى, دەپ حابارلايدى قازاقپارات.
«مۇنداي فاكتٸلەر بولعان جوق. بۇرىن مەديتسينالىق ستاتيستيكا اي سايىن جينالاتىن. كوروناۆيرۋس پايدا بولعاننان كەيٸن كۆي+ ستاتيستيكاسىن كٷن سايىن جيناي باستادىق. كۆي+ ستاتيستيكاسىن اپتا سايىن دٷيسەنبٸدە بەرٸپ وتىرعان سەبەبٸمٸزدٸ تٷسٸندٸردٸك. ٶزٸڭٸز ايتقانداي, ستاتيستيكامەن ويناپ وتىرعان ازاماتتار جوق», - دەدٸ مارات شورانوۆ.
ەسكە سالا كەتسەك بٷگٸن, ياعني 27 قاڭتار كٷنٸ تاڭەرتەڭ قازاقستاندا كوروناۆيرۋسپەن اۋىرعانداردىڭ جالپى سانى 181 117-گە جەتكەنٸ حابارلانعان بولاتىن. ەل ٸشٸندەگٸ ٸندەتتٸ توقتاتۋ ٷشٸن 1 اقپاننان باستاپ ۆاكتسينالاۋ باستالادى.
«جالپى جىل سوڭىنا دەيٸن 6 ملن ادامعا ەكپە سالۋدى جوسپارلاپ وتىرمىز. الايدا مۇنداي كٶلەمدەگٸ ۆاكتسينا نارىقتا بولۋى كەرەك. بۇل تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ اياسىندا ۆاكتسيناتسييا تەگٸن بولادى. ەلدە ۆاكتسينالاۋدى مەملەكەت ەسەبٸنەن جٷرگٸزۋ قاراستىرىلىپ جاتىر. ٷكٸمەت رەزەرۆٸنەن تيٸستٸ قاراجات بٶلٸنەدٸ. تيٸسٸنشە ۆاكتسينالاۋ تەگٸن بولادى», - دەيدٸ مارات شورانوۆ.
