SSSR pasportymen júrgen Túrkistan oblysynyń Jetisai aýdanynyń turǵyny jańa jeke kýálik aldy, dep habarlaidy oblystyq PD baspasóz qyzmeti.
Ishki ister ministriniń buiryǵyna sáikes, politsiia QR azamattarynyń qujattaryn rásimdeý nemese azamattyǵy joq tulǵalardy kýálandyrý úshin mártebesi rettelmegen adamdardy anyqtaý maqsatynda ótkizilip jatqan naýqan barysynda SSSR pasportymen júrgen azamatshany anyqtaǵan.
«2021 jyly qańtar aiynda Jetisai aýdandyq PB kóshi-qon qyzmeti bólimshesiniń qyzmetkerleri jergilikti turǵyn Klara Myrzabekqyzy Moldasheva merzimi ótken 1974 jylǵy úlgidegi SSSR pasportymen júrgendigin anyqtady. Surastyrý barysynda belgili bolǵandai, ol densaýlyǵyna bailanysty jáne ózine asa qajet bolmaǵan soń búgingi kúnge deiin tólqujatyn jasatýǵa barmai júrgen. Turǵynnyń jeke tólqujatyna qajetti qujattar rásimdelip, jańa úlgidegi jeke kýáligi jasalady. Politseiler daiyn qujatty iesine tabystady», delingen habarlamada.
Tártip saqshylary turǵyndarǵa qujatyn zańǵa sai durys jasaýyn qadaǵalaýǵa keńes beredi.
