سسسر پاسپورتىمەن جٷرگەن تٷركٸستان وبلىسىنىڭ جەتٸساي اۋدانىنىڭ تۇرعىنى جاڭا جەكە كۋەلٸك الدى, دەپ حابارلايدى وبلىستىق پد باسپاسٶز قىزمەتٸ.
ٸشكٸ ٸستەر مينيسترٸنٸڭ بۇيرىعىنا سەيكەس, پوليتسييا قر ازاماتتارىنىڭ قۇجاتتارىن رەسٸمدەۋ نەمەسە ازاماتتىعى جوق تۇلعالاردى كۋەلاندىرۋ ٷشٸن مەرتەبەسٸ رەتتەلمەگەن ادامداردى انىقتاۋ ماقساتىندا ٶتكٸزٸلٸپ جاتقان ناۋقان بارىسىندا سسسر پاسپورتىمەن جٷرگەن ازاماتشانى انىقتاعان.
«2021 جىلى قاڭتار ايىندا جەتٸساي اۋداندىق پب كٶشٸ-قون قىزمەتٸ بٶلٸمشەسٸنٸڭ قىزمەتكەرلەرٸ جەرگٸلٸكتٸ تۇرعىن كلارا مىرزابەكقىزى مولداشەۆا مەرزٸمٸ ٶتكەن 1974 جىلعى ٷلگٸدەگٸ سسسر پاسپورتىمەن جٷرگەندٸگٸن انىقتادى. سۇراستىرۋ بارىسىندا بەلگٸلٸ بولعانداي, ول دەنساۋلىعىنا بايلانىستى جەنە ٶزٸنە اسا قاجەت بولماعان سوڭ بٷگٸنگٸ كٷنگە دەيٸن تٶلقۇجاتىن جاساتۋعا بارماي جٷرگەن. تۇرعىننىڭ جەكە تٶلقۇجاتىنا قاجەتتٸ قۇجاتتار رەسٸمدەلٸپ, جاڭا ٷلگٸدەگٸ جەكە كۋەلٸگٸ جاسالادى. پوليتسەيلەر دايىن قۇجاتتى يەسٸنە تابىستادى», دەلٸنگەن حابارلامادا.
تەرتٸپ ساقشىلارى تۇرعىندارعا قۇجاتىن زاڭعا ساي دۇرىس جاساۋىن قاداعالاۋعا كەڭەس بەرەدٸ.
