Shyǵys Qazaqstan oblysynda esirtki zattaryn zańsyz ótkizýmen ainalysty degen kúdikke ilingen azamat qylmys ústinde ustaldy, dep habarlaidy ult.kz.
Politsiianyń málimetinshe, kúdikti Óskemen qalasynyń 49 jastaǵy turǵyny bolyp shyqqan. Ony ustaý "Qarasora – 2026" jedel-profilaktikalyq is-sharasy aiasynda júrgizilgen jedel-izdestirý jumystarynyń nátijesinde júzege asty.
Tártip saqshylaryna esirtki satý faktisi týraly aqparat túskennen keiin jedel ýákilder kúdiktimen bailanys ornatyp, tyiym salynǵan zatty satyp alý jóninde kelisim jasaǵan. Esirtkini berý kezinde er adam qolǵa tústi.
Kúdiktiniń turǵylyqty jerin tintý barysynda politseiler polimer paketterge oralǵan, taratýǵa daiyndalǵan birneshe esirtki oramasyn anyqtady. Saraptama qorytyndysy boiynsha tárkilengen zattyń marihýana ekeni belgili boldy. Onyń jalpy salmaǵy 2,8 keliden asqan.
Sondai-aq kúdiktiden bir million teńgeden astam qolma-qol aqsha tárkilendi.
Qazirgi ýaqytta atalǵan derek boiynsha sotqa deiingi tergep-tekserý júrgizilip jatyr. Kúdikti ýaqytsha ustaý izoliatoryna qamaldy.
