شىعىس قازاقستان وبلىسىندا ەسٸرتكٸ زاتتارىن زاڭسىز ٶتكٸزۋمەن اينالىستى دەگەن كٷدٸككە ٸلٸنگەن ازامات قىلمىس ٷستٸندە ۇستالدى, دەپ حابارلايدى ult.kz.
پوليتسييانىڭ مەلٸمەتٸنشە, كٷدٸكتٸ ٶسكەمەن قالاسىنىڭ 49 جاستاعى تۇرعىنى بولىپ شىققان. ونى ۇستاۋ "قاراسورا – 2026" جەدەل-پروفيلاكتيكالىق ٸس-شاراسى اياسىندا جٷرگٸزٸلگەن جەدەل-ٸزدەستٸرۋ جۇمىستارىنىڭ نەتيجەسٸندە جٷزەگە استى.
تەرتٸپ ساقشىلارىنا ەسٸرتكٸ ساتۋ فاكتٸسٸ تۋرالى اقپارات تٷسكەننەن كەيٸن جەدەل ۋەكٸلدەر كٷدٸكتٸمەن بايلانىس ورناتىپ, تىيىم سالىنعان زاتتى ساتىپ الۋ جٶنٸندە كەلٸسٸم جاساعان. ەسٸرتكٸنٸ بەرۋ كەزٸندە ەر ادام قولعا تٷستٸ.
كٷدٸكتٸنٸڭ تۇرعىلىقتى جەرٸن تٸنتۋ بارىسىندا پوليتسەيلەر پوليمەر پاكەتتەرگە ورالعان, تاراتۋعا دايىندالعان بٸرنەشە ەسٸرتكٸ وراماسىن انىقتادى. ساراپتاما قورىتىندىسى بويىنشا تەركٸلەنگەن زاتتىڭ ماريحۋانا ەكەنٸ بەلگٸلٸ بولدى. ونىڭ جالپى سالماعى 2,8 كەلٸدەن اسقان.
سونداي-اق كٷدٸكتٸدەن بٸر ميلليون تەڭگەدەن استام قولما-قول اقشا تەركٸلەندٸ.
قازٸرگٸ ۋاقىتتا اتالعان دەرەك بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر. كٷدٸكتٸ ۋاقىتشا ۇستاۋ يزولياتورىنا قامالدى.
