Shyǵys Qazaqstan oblysynyń Zaisan aýdanynda kámeletke tolmaǵan jasóspirim áieldi óltirdi degen kúdikke ilindi. Sot kúdiktini qamaýda ustaýǵa sanktsiia bergen, dep habarlaidy ult.kz.
Kriminalnyi Kazahstan Telegram-arnasynyń málimetinshe, atalǵan fakti boiynsha Qylmystyq kodekstiń 99-babynyń 1-bóligimen («Adam óltirý») qylmystyq is qozǵalǵan. Qazir tergeý jáne protsessýaldyq áreketter júrgizilip jatyr. Tergeý múddesine bailanysty ózge málimetter jariialanbady.
Oqiǵadan keiin áleýmettik jelilerde marqum áieldiń muǵalim bolǵany jáne qylmysqa «Sinii kit» internet-oiynynyń qatysy bolýy múmkin degen aqparat taraǵan.
Alaida ShQO politsiia departamenti bul málimetterdi joqqa shyǵardy. Vedomstvonyń habarlaýynsha, qaza tapqan áiel pedagog bolmaǵan.
