Sport jýrnalisi Aslan Qajenov Aziia oiyndary kezindegi boks sessiiasynan keiin Gennadii Golovkinmen bolǵan keleńsiz jaǵdai týraly áleýmettik jelide jazba jariialady, dep habarlaidy ult.kz.

Jýrnalist buǵan deiin Golovkin týraly jaǵymsyz pikir bildirmegenin, kerisinshe ony erekshe qurmettegenin aitty. Alaida sońǵy kezdesýden keiin oǵan degen kózqarasy ózgergenin jetkizdi.

«Buǵan deiin Gennadii Golovkin týraly bir negativ jazbadym. Kerisinshe, qurmetim erekshe bolatyn. Búgin nólge tústi. Boks sessiiasynan keiin amandasyp jatsam, “bestyjyi” deidi», – dep jazdy Qajenov.

Onyń aitýynsha, ol únemi Qazaqstan sportshylarynyń jetistikteri men máselelerin kóterip keledi. Osyǵan bailanysty jýrnalist Golovkindi sporttaǵy naqty máselelermen ainalysýǵa shaqyrdy.

«Viktoriianyń jeńisin qaitar! Iasminanyń altynyn qaitar! Basqa da jumys jetedi. Óz elińnen kelgen qarakózderge sózben atylyp, olai muqata berme! Naqty ispen ainalys!» – dedi ol.

Qajenovtiń bul jazbasy áleýmettik jelide qyzý talqylanyp jatyr.

Gennadii Golovkin kim?

Gennadii Golovkin – Qazaqstannan shyqqan áigili kásipqoi boksshy. Ol 1982 jyly Qaraǵandyda dúniege kelgen. 2004 jyly Afina Olimpiadasynda kúmis medal jeńip alǵan.

Kásipqoi boksta Golovkin orta salmaqta eki dúrkin álem chempiony atanyp, mansabyn 42 jeńis, 2 jeńilis jáne 1 teń nátijemen aiaqtady. Onyń 37 kezdesýinde jeńis nokaýtpen kelgen. Sonymen qatar ol orta salmaqtaǵy álem chempiondyq ataǵyn qatarynan 20 ret qorǵaǵan.

2024 jyldan beri Golovkin Qazaqstan Ulttyq Olimpiada komitetiniń prezidenti qyzmetin atqarady. Al 2025 jyldyń qarashasynda ol halyqaralyq World Boxing uiymynyń prezidenti bolyp sailandy.

2026 jyly Golovkin Halyqaralyq boks dańqy zalyna engizildi. Ol bul mártebege ie bolǵan Qazaqstannan shyqqan alǵashqy sportshy boldy.