S&P halyqaralyq reiting agenttigi Reseidiń shetel valiýtasyndaǵy uzaq merzimdi táýelsiz kredittik reitingin «VV+»-ten «CCC- «-ke deiin jáne ulttyq valiýtadaǵy uzaq merzimdi reitingin «VVV-»-ten «CCC-»-ke deiin tómendetti, dep habarlaidy QazAqparat TASS-qa silteme jasap.
Reitingter teris boljammen CreditWatch (qaita qaraý reitingi) tizimine engizilgen. S&P agenttiginiń málimetinshe, halyqaralyq sanktsiialar Reseidiń qoljetimdi valiýta rezervterin, sonyń ishinde AQSh, EO jáne Japoniiada tirkelgen shetel valiýtasyndaǵy depozitter men baǵaly qaǵazdardy qysqartty,
bul shetel valiýtasyna suranystyń ósýi kezeńinde eldiń syrtqy ótimdiligin álsiretti.
«Biz jariia aqparattan jáne baspasóz habarlamalarynan kapitaldyń qozǵalysyn baqylaý jónindegi sharalar transshekaralyq qarjy aǵyndaryna, onyń ishinde jeke sektordyń da, memlekettiń de boryshyna qyzmet kórsetý jónindegi tólemderge tyiym salýǵa ákep soǵatynyn túsinemiz. Bul ulttyq jáne shetel valiýtasyndaǵy obligatsiia ustaýshylardyń - rezident emesterdiń paiyzdardy jáne/nemese qaryzdyń negizgi somasyn ýaqytyly alý múmkindigin shekteidi dep oilaimyz», - delingen habarlamada.
