S&P حالىقارالىق رەيتينگ اگەنتتٸگٸ رەسەيدٸڭ شەتەل ۆاليۋتاسىنداعى ۇزاق مەرزٸمدٸ تەۋەلسٸز كرەديتتٸك رەيتينگٸن «ۆۆ+»-تەن «CCC- «-كە دەيٸن جەنە ۇلتتىق ۆاليۋتاداعى ۇزاق مەرزٸمدٸ رەيتينگٸن «ۆۆۆ-»-تەن «CCC-»-كە دەيٸن تٶمەندەتتٸ, دەپ حابارلايدى قازاقپارات تاسس-قا سٸلتەمە جاساپ.
رەيتينگتەر تەرٸس بولجاممەن CreditWatch (قايتا قاراۋ رەيتينگٸ) تٸزٸمٸنە ەنگٸزٸلگەن. S&P اگەنتتٸگٸنٸڭ مەلٸمەتٸنشە, حالىقارالىق سانكتسييالار رەسەيدٸڭ قولجەتٸمدٸ ۆاليۋتا رەزەرۆتەرٸن, سونىڭ ٸشٸندە اقش, ەو جەنە جاپونييادا تٸركەلگەن شەتەل ۆاليۋتاسىنداعى دەپوزيتتەر مەن باعالى قاعازداردى قىسقارتتى,
بۇل شەتەل ۆاليۋتاسىنا سۇرانىستىڭ ٶسۋٸ كەزەڭٸندە ەلدٸڭ سىرتقى ٶتٸمدٸلٸگٸن ەلسٸرەتتٸ.
«بٸز جارييا اقپاراتتان جەنە باسپاسٶز حابارلامالارىنان كاپيتالدىڭ قوزعالىسىن باقىلاۋ جٶنٸندەگٸ شارالار ترانسشەكارالىق قارجى اعىندارىنا, ونىڭ ٸشٸندە جەكە سەكتوردىڭ دا, مەملەكەتتٸڭ دە بورىشىنا قىزمەت كٶرسەتۋ جٶنٸندەگٸ تٶلەمدەرگە تىيىم سالۋعا ەكەپ سوعاتىنىن تٷسٸنەمٸز. بۇل ۇلتتىق جەنە شەتەل ۆاليۋتاسىنداعى وبليگاتسييا ۇستاۋشىلاردىڭ - رەزيدەنت ەمەستەردٸڭ پايىزداردى جەنە/نەمەسە قارىزدىڭ نەگٸزگٸ سوماسىن ۋاقىتىلى الۋ مٷمكٸندٸگٸن شەكتەيدٸ دەپ ويلايمىز», - دەلٸنگەن حابارلامادا.
