Almatyda jalǵyz ózi 24 minýttyń ishinde segiz adamdy jaralap, alty adamdy aiaýsyz óltirgen Rýslan Kúlikbaev kim?
Bul kadrlar - Maqsat pen Móldirdiń baqytty sátteriniń úzikteri. Politsiianyń kishi serjanty Maqsat Sálimbaevtyń shańyraq qurǵan toiynyń kýási bolǵan sýretter ǵana - ótken kúnnen belgi beredi. Olar baqytty edi ol kezde. Qos jastyń móldir mahabbatynan dúniege kelgen Aiarý qyzdarynyń da jasqa tolý qýanyshyn kóppen bólisken edi. Ekinshi kishkentailarynyń dúniege kelýin kútip júrgen kezde baqytty shańyraq qara jamyldy. Beibit kúnde shaǵyn shańyraqtyń otaǵasy oqqa ushty.
QYZǴALDAQ SÁLIMBAEVA, Marqum Maqsat Sálimbaevtyń anasy:
- Týǵannan men gaishnikpin dep maqtanatyn. Áskerge baryp keldi, DVD-da istedi GAI-ge aýysty. Buiyrmaǵan shyǵar. Úsh ai qyzmet istedi.
Kúndegi ádetimen jumysyna kúlip ketken Maqsat sol ketkennen úiine, ata-anasyna, ózin "aǵalap" airyqsha jaqsy kóretin qaryndasyna, kishkentai qyzy men súiikti jaryna oralmady. Oraltpady ony. Sálimbaevtardan ózge taǵy bes shańyraq qara jamyldy. Alty úide analar joqtaý aityp, balalar ákelerin izdep, jylady. Beibit kúnde azamattarymyz oqqa ushyp, qyrshyn ketken bozdaqtardy eli aqtyq saparǵa shyǵaryp saldy. Osynshama otbasy azamatynan, baýyrynan, ulynan, ákesinen qapyda kóz jazyp qaldy.
AITBAI NURIMANOV, Marqum Ǵani Nurimanovtyń ákesi:
- Ana eki nemerem bar. Sol eki qanatym aman bolsyn. Solaryma arqa súiep, kishkene tiri otyrmyn. Áitpese baiaǵyda ólip ketetin em.
Qandyqol qylmyskerdiń qolynan jaraqat alǵan taǵy segiz azamat aýrýhana tósegine tańyldy. Ainalasy 24 minýttyń ishinde qoly qaltyramai, qanshama politsiia qyzmetkerine oq jaýdyryp, qalada qarýymen emin-erkin qylmysyn júzege asyrǵan Rýslan Kúlikbaev kim? Ústinen qylmystyq kodekstiń 8 birdei baby boiynsha is qozǵalǵan kúdikti jasaǵan qylmysy úshin, áli de ókinip otyrmaǵan syńaily. Bul týraly politsiia qyzmetkerlerimen tildesken kúdiktiniń áieli aityp berdi.
AIaÝLYM ÚMBETQULOVA, Rýslan Kúlikbaevtiń áieli:
- Allahqa ýáde bergem dep, túrmeden aman alyp shyqsań, men erteń búkil menttardy qyram dep.
Aiaýlym Úmbetqulovanyń sózinshe, Kúlikbaev ózin tergep jatqan quzyrly organ qyzmetkerlerine, "kesh bolmai turǵanda, óltirip tastańdar, bul ber jaǵy" dep ses kórsetken kórinedi. Tipti, eger politsiia bólimshesinde ǵimaratqa kirýge bóget temir esik bolmaǵanda, qurbandardyń sany budan da kóp bolar edi" - degen kórinedi. Politsiia, prokýratýra, sot qyzmetkerlerine osynshama óshigetindei Kúlikbaevta qandai sebep boldy?
AIaÝLYM ÚMBETQULOVA, Rýslan Kúlikbaevtiń áieli:
- Sosyn taǵy da armatýra jutypty. Ishinde úlken shram bar eken. Suradym "bul ne?" dep. Túrmede aýyr boldy, sol kezde armatýra jutyp, ishime operatsiia istetkem dedi.
Osy qylmysyna deiin de eki márte túrmege otyryp kelgen kúdiktiniń bul sońǵy shyqqan kezinde jylap otyryp, aityp bergeni, - deidi Aiaýlym. Biraq Kúlikbaev ashylyp áńgimesin aita qoimaityn adam, sózge shorqaq-tyn, - deidi áieli. Al, Kúlikbaevtiń anasynyń telefonyna qońyraý shalǵanymyzda, baýyry Nurlan kóterdi. Anasynyń sońǵy jaǵdailarmen bailanysty, aýyryp jatqanyn aitqan Nurlan Kúlikbaev, inisiniń minezinen sońǵy kezde ózgeris baiqamaǵanyn aitady.
NURLAN KÚLIKBAEV, Rýslan Kúlikbaevtyń aǵasy:
- Baýyryńyzdyń minezi qandai edi? - Salmaqty jaqsy bolatyn. 16 jasynan namaz oqydy ma? - Bilmeimin, ol úide turǵan emes. Almatyda turdy. Sońǵy kezderi minezindegi ózgeristi sizder baiqadyńyzdar ma? - Jo joq, jaqsytuǵyn.
Al, Almatydaǵy atyshýly oqiǵadan úsh kún buryn kúieýiniń qasynda bolǵan Aiaýlym Úmbetqulova bolsa, túrmege sońǵy otyryp kelgeli beri, minezi de tym ózgerip ketti, qaida baryp-keletinin de suraýdan qaldym. Óitkeni, ol suraǵyma taiaqpen jaýap beretin degen Aiaýlym, sońǵy kezdesýlerinen burynǵy otbasylyq kikiljiń, kúieýimniń maǵan májbúrli túrde nihab ki degen talabymen bailanysty bolatyn deidi.
AIaÝLYM ÚMBETQULOVA, Rýslan Kúlikbaevtiń áieli:
- Sen menimen turatyn bolsań, nihab kiesiń dedi. Kózińdi bylai qaldyryp, paranji kiesiń dedi.
Sondai-aq Aiaýlym Úmbetqulova, kúieýiniń birde-bir dosyn tanymaitynyn, tipti kórmegenin aitady. "Óitkeni, ol eshqashan meni qonaqqa barǵanda da qasyna ertpeitin. Tipti, ekeýimizdiń de aýzymyz berik bolǵanda, aýyzasharǵa shaqyrǵan jerge jalǵyz baratyn" - deidi. Tek osy aitqandaryma tergeýshiler kúmán keltiredi, tipti maǵan ses kórsetip jatyr deidi.
AIaÝLYM ÚMBETQULOVA, Rýslan Kúlikbaevtiń áieli:
- Zań aldynda menimen adam siiaqty sóilesse eken dep. Sen jena terrorista dep kózimdi shuqityndai, men muny qalap alǵan joqpyn ǵoi. Oǵan Almatyny qyrsyn degen joqpyn ǵoi.
Kúlikbaevqa nege kóp toqtaldyq? Óitkeni, resmi túrde onyń áreketi lańkestik dep tanylǵanymen, kóptiń kóńilinde kóp kúdik qaldy. Birinshiden, ol beibit turǵyndardyń arasymen erkin júrse de, qarýyn kóbinde politsiia qyzmetkerlerine kezendi. Onyń o bastaǵy maqsaty men kózdegeni basqa adamdar bolǵanyn ishki ister ministri de arnaiy málimdegen-di.
AIaÝLYM ÚMBETQULOVA, Rýslan Kúlikbaevtiń áieli:
- Pervaia mysl byla ýbit sýdei. Chto ego nepravilno osýdili. Zachem ty v grajdanskogo strelial?! On schitaet chto on politseiskii. Zachem ty ýbil na Abaia cheloveka? On govorit on pokazal dokýment, pytalsia menia ostanovit, ia ego rasstrelial.
Onda jalǵyz júrip qanshama politsiia qyzmetkerin jairatyp salǵan atqyshtyń bul áreketi lańkestikten góri, kek alýǵa kelińkireidi. Biraq Ulttyq qaýipsizdik komitetiniń tóraǵasy onyń salafizm aǵymy ókilderimen túrmede jatyp, aýyz jalasqanyn aitqanymen, qylmystyq atqarý komiteti bul pikirmen kelispegen edi. Al, aýǵan soǵysynyń ardagerleri bolsa, Rýslan Kúlikbaevtyń kásibi atqysh emestigin aitady. Tek oǵan tótep berýge ázir bolmadyq dep otyr.
MURAT ABDÝShKÝROV, Aýǵan soǵysynyń ardageri:
- Jaqyn qashyqtyqta jáne adam kóp shoǵyrlanǵan jerde nysanaǵa dóp tigizý asa qiyndyq týdyrmaidy. Onyń ústine, ol sportpen ainalysqan. Onyń tapanshasynda oq taýsylyp qalǵan. Áitpese, adam shyǵyny budan da kóp bolýy múmkin be edi. Qysqasyn aitqanda, qoǵam da, kúshtik qurylymdar da daiyn bolmady mundaiǵa.
Al, kúni keshe marqum Maqsat Sálimbaevtyń áieli Móldir aýrýhanadan shyqty. Júktiliginiń tórt ailyǵynda qaraly habardy kótere almaǵan kelinshek, densaýlyǵy syr berip, meditsinalyq mekemege túsken eken. Onyń ústine, segiz ai buryn týǵan ákesinen aiyrylǵan Móldir, ózine demeý bolǵan súiiktisinen kóz jazyp qalǵanyna áli de senbeidi. Aiarýyna da ákesiniń joqtyǵyn estirtpepti.
Bizdiń bilýimizshe, Rýslan Kúlikbaevtyń jaqyndaryna Baiqońyrdyń aýmaǵynan shyǵýǵa tyiym salynǵan. Tergeý amaldary bitkenshe, kórshi aýylǵa da shyǵa almai otyrǵanǵa uqsaidy. Al, Kúlikbaevtyń qolynan birinshi bolyp qaza tapqan 1985 jylǵy Ózbekstandyq azamatsha Sadyqovanyń denesin týystary eline alyp ketken. Qylmyskerdiń áieliniń aitýynsha, Kúlikbaev, qaitys bolǵan azamatshaǵa "Ramazan aiynyń bas jaǵynda ekinshi márte jeńil júrispen ainalysqanyńdy kórsem, óltiremin" dep aldyn-ala eskertken de kórinedi. Osy oraida Kúlikbaevtyń zańdy áielinen ózge taǵy nekedegi basqa áieli bolǵany da belgili boldy. Bul týraly kúdiktiniń zańdy áieli politsiia qyzmetkerlerinen estipti. Bul iste áli anyqtalyp úlgermegen, aiqyn bolmaǵan derekter óte kóp. Belgili bir ǵana jait bar - qolyna qarý alǵan bir ǵana qylmysker ainalasy 24-aq minýttyń ishinde Almatynyń astan-kesteńin shyǵardy.
