Sottalǵandar arasynda týberkýlezge shaldyqqandar sany 5 ese qysqardy. Bul týraly QR Ishki ister ministrligi Qylmystyq atqarý júiesi komitetiniń tóraǵasy, politsiia polkovnigi Janat Eshmaǵambetov aitty, dep habarlaidy QazAqparat.
«Meditsinalyq kómek kórsetý mańyzdy baǵyt sanalady. Somatikalyq 2, psihiatriialyq 1, týberkýlezge qarsy 3 aýrýhana, 67 meditsinalyq bólim jáne 15 meditsinalyq pýnkt jumys isteidi. Halyqty tirkeý tirkelimi aiasynda sottalǵandar aýmaqtyq meditsinalyq uiymdarǵa tirkelgen. Túrmege kelip túsken barlyq tulǵalar mindetti túrde aldyn ala tekserýden ótedi. Qajettilik týyndaǵanda azamattyq densaýlyq saqtaýdyń mamandary da tekserýge tartylady. Sozylmaly aýrýlar anyqtalǵan jaǵdaida esepke alynyp, tekserýden, konsýltatsiia men emdeýden ótedi», - dedi komitet tóraǵasy.
Sonymen qatar jyl saiyn densaýlyq saqtaý organdarynyń mamandary jyljymaly diagnostikalyq keshenderdi jumyldyrý arqyly aldyn alý tekserýler ótkizedi. Tek osy jyly ǵana 2 myńnan astam naýqas konsýltatsiialyq-diagnostikalyq kómek alyp, 120-dan astam ota jasaldy.
«Qabyldanyp jatqan sharalardyń nátijesinde týberkýlezben kúreste turaqty oń tendentsiia baiqalady. Sońǵy jyldary osy diagnozben anyqtalǵan naýqastar sany 5 ese, ólim-jitim 8 ese, al naýqastardyń jalpy sany 4 ese azaidy», - dedi Janat Eshmaǵambetov.
