سوتتالعاندار اراسىندا تۋبەركۋلەزگە شالدىققاندار سانى 5 ەسە قىسقاردى. بۇل تۋرالى قر ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ تٶراعاسى, پوليتسييا پولكوۆنيگٸ جانات ەشماعامبەتوۆ ايتتى, دەپ حابارلايدى قازاقپارات.
«مەديتسينالىق كٶمەك كٶرسەتۋ ماڭىزدى باعىت سانالادى. سوماتيكالىق 2, پسيحياترييالىق 1, تۋبەركۋلەزگە قارسى 3 اۋرۋحانا, 67 مەديتسينالىق بٶلٸم جەنە 15 مەديتسينالىق پۋنكت جۇمىس ٸستەيدٸ. حالىقتى تٸركەۋ تٸركەلٸمٸ اياسىندا سوتتالعاندار اۋماقتىق مەديتسينالىق ۇيىمدارعا تٸركەلگەن. تٷرمەگە كەلٸپ تٷسكەن بارلىق تۇلعالار مٸندەتتٸ تٷردە الدىن الا تەكسەرۋدەن ٶتەدٸ. قاجەتتٸلٸك تۋىنداعاندا ازاماتتىق دەنساۋلىق ساقتاۋدىڭ ماماندارى دا تەكسەرۋگە تارتىلادى. سوزىلمالى اۋرۋلار انىقتالعان جاعدايدا ەسەپكە الىنىپ, تەكسەرۋدەن, كونسۋلتاتسييا مەن ەمدەۋدەن ٶتەدٸ», - دەدٸ كوميتەت تٶراعاسى.
سونىمەن قاتار جىل سايىن دەنساۋلىق ساقتاۋ ورگاندارىنىڭ ماماندارى جىلجىمالى دياگنوستيكالىق كەشەندەردٸ جۇمىلدىرۋ ارقىلى الدىن الۋ تەكسەرۋلەر ٶتكٸزەدٸ. تەك وسى جىلى عانا 2 مىڭنان استام ناۋقاس كونسۋلتاتسييالىق-دياگنوستيكالىق كٶمەك الىپ, 120-دان استام وتا جاسالدى.
«قابىلدانىپ جاتقان شارالاردىڭ نەتيجەسٸندە تۋبەركۋلەزبەن كٷرەستە تۇراقتى وڭ تەندەنتسييا بايقالادى. سوڭعى جىلدارى وسى دياگنوزبەن انىقتالعان ناۋقاستار سانى 5 ەسە, ٶلٸم-جٸتٸم 8 ەسە, ال ناۋقاستاردىڭ جالپى سانى 4 ەسە ازايدى», - دەدٸ جانات ەشماعامبەتوۆ.
