Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy
Aimaq

Sottalǵan er adam qarnyn jaryp tastady: BQO prokýratýrasy pikir bildirdi

Ult portaly
Sottalǵan er adam qarnyn jaryp tastady: BQO prokýratýrasy pikir bildirdi

kollaj: Tengrinews.kz

BQO prokýratýrasy sottalýshynyń tergeý izoliatory kamerasynda ózin-ózi jaralaǵanyna qatysty pikir bildirdi. Qadaǵalaý organy qazir bul fakt boiynsha qyzmettik tekseris júrgizilip jatqanyn habarlady, - dep habarlaidy Tengrinews.kz.

Prokýratýra málimetinshe, sottalǵan Vitalii Týrenkov memleket basshysyna sot aktilerimen kelispeitinin málimdep, úndeý jasaǵan.

"Bul azamat sot úkimi boiynsha adam óltirgeni úshin 14,1 jylǵa bas bostandyǵynan aiyrylǵan. Onyń áreketi qaitalanýy múmkin dep tanylǵan. Óitkeni buryn kúsh qoldanyp aýyr qylmys jasaǵany úshin (myltyqpen bopsalaý, synǵan bótelkeni qoldanyp buzaqylyq jasaý) eki ret sottalǵan. Apelliatsiialyq instantsiianyń ýájderi qanaǵattandyrýsyz qaldyrylyp, úkim ózgergen joq", - dedi BQO prokýratýrasy ókilderi.

Sotta da úkim túsindirilgen. Onda Týrenkov eleýsiz sebeppen adam óltirgeni aitylǵan.

"Sottalýshy balkonnan birneshe er adam ol birge turatyn áielmen tanyspaq bolǵanyn kóredi. Osydan keiin ol ashana pyshaǵyn alyp, kóshege shyǵyp ketken. Týrenkov beitanys adamdarǵa jaqyndap, pyshaq siltep, janjal shyǵarǵan. Nátijesinde, sol jerde turǵan er adamnyń júregine pyshaq suǵyp, ol sol jerde qaza bolǵan. Osydan keiin Týrenkov jábirlenýshige kómektespei, birden qylmys ornynan qashyp ketken. Onyń qylmystyq áreketi saldarynan marqumnyń tórt jas balasy men qart ata-anasy ákesiz jáne asyraýshysyz qaldy", - dedi sot ókili.

Qazirgi ýaqytta tekseris júrgizilip jatyr. Mekeme kamerasyna telefon men úshkir zat qalai kirgizilgeni, er adam ózine qalai dene jaraqatyn salǵany anyqtalyp jatyr.

Oqi otyryńyz