Jylqyshy Rahat Sársenovtiń basyndaǵy daý munymen aiaqtalmaǵan. Onyń aitýynsha, 2019 jyly burynǵy jumys berýshisi Tájiǵali Esenov ózin jáne jubaiyn notariýsqa aparyp, jalǵyz baspanasyn kepilge qoiýǵa májbúrlegen, dep habarlaidy ult.kz.
Erli-zaiyptynyń sózinshe, notariattyq qujat orys tilinde rásimdelgen. Sol sebepti olar naqty qandai qujatqa qol qoiyp jatqanyn tolyq túsinbegenderin aitady.
Rahat Sársenovtiń málimdeýinshe, buǵan deiin Tájiǵali Esenov odan 60 bas jylqynyń esebi tolyq emes ekenin aityp, 10 million teńge talap etken. Onyń sózinshe, burynǵy jumys berýshisi: «60 bas jylqynyń esebi túgel emes. Sonyń ótemi retinde 10 million teńge qaryzsyń. Áitpese úiińdi alamyn», – degen.
Qazirgi ýaqytta Rahat Sársenov turyp jatqan jalǵyz baspanasynan aiyrylyp qalý qaýpine tap bolǵan. Sebebi atalǵan daý boiynsha sot sheshimi shyǵyp qoiǵan.
Al zańger Baǵdat Amandosuly notariattyq qujattyń zańdylyǵyna kúmán keltiretinin aityp, ony jaramsyz dep taný úshin quzyrly memlekettik organdarǵa tiisti aryzdardy ázirlep jatqanyn málimdedi.
