Almatyda sot oryndaýshysyn urǵan oqiǵaǵa qatysýshy Maqsat Ysqaqov sotqa aryzdandy, - dep habarlaidy Tengrinews.kz.
Maqsat Ysqaqov ákimshilik sotqa jeke sot oryndaýshysynyń áreketin zańsyz dep sanap, aryz berdi. Qalalyq sottyń baspasóz qyzmeti isti aldyn ala tyńdaý 5 qarashaǵa belgilengenin habarlady.
Eske salaiyq, oqiǵa 4 qazanda Almatydaǵy turǵyn úidi buzý kezinde bolǵan. Er adam sot oryndaýshysynyń qabyrǵasynan eki ret urǵan. Sot oryndaýshylar palatasy er adam politseilerdiń kózinshe qyzmetkerdi uryp-soqqanyn habarlady.
Almaty qalasy Bostandyq aýdandyq politsiia basqarmasynyń bastyǵy osy oqiǵaǵa qatysty sot oryndaýshylar palatasyna jaýap bergen. Al jábirlenýshiniń ózi video jariialap, soqqyǵa jyqqan er adamdy qamatatynyn aitqan bolatyn. Biraq keiin sot oryndaýshysy jol erejesin saqtamaǵany úshin qylmystyq jaýapkershilikke tartyldy.
