الماتىدا سوت ورىنداۋشىسىن ۇرعان وقيعاعا قاتىسۋشى ماقسات ىسقاقوۆ سوتقا ارىزداندى, - دەپ حابارلايدى Tengrinews.kz.
ماقسات ىسقاقوۆ ەكٸمشٸلٸك سوتقا جەكە سوت ورىنداۋشىسىنىڭ ەرەكەتٸن زاڭسىز دەپ ساناپ, ارىز بەردٸ. قالالىق سوتتىڭ باسپاسٶز قىزمەتٸ ٸستٸ الدىن الا تىڭداۋ 5 قاراشاعا بەلگٸلەنگەنٸن حابارلادى.
ەسكە سالايىق, وقيعا 4 قازاندا الماتىداعى تۇرعىن ٷيدٸ بۇزۋ كەزٸندە بولعان. ەر ادام سوت ورىنداۋشىسىنىڭ قابىرعاسىنان ەكٸ رەت ۇرعان. سوت ورىنداۋشىلار پالاتاسى ەر ادام پوليتسەيلەردٸڭ كٶزٸنشە قىزمەتكەردٸ ۇرىپ-سوققانىن حابارلادى.
الماتى قالاسى بوستاندىق اۋداندىق پوليتسييا باسقارماسىنىڭ باستىعى وسى وقيعاعا قاتىستى سوت ورىنداۋشىلار پالاتاسىنا جاۋاپ بەرگەن. ال جەبٸرلەنۋشٸنٸڭ ٶزٸ ۆيدەو جارييالاپ, سوققىعا جىققان ەر ادامدى قاماتاتىنىن ايتقان بولاتىن. بٸراق كەيٸن سوت ورىنداۋشىسى جول ەرەجەسٸن ساقتاماعانى ٷشٸن قىلمىستىق جاۋاپكەرشٸلٸككە تارتىلدى.
