Reseidiń Belgorod qalasynda er adam súiiktisin kópqabatty turǵyn úidiń aýlasynda aiaýsyz uryp-soqqan, alaida janjal aiaqtalǵannan keiin áiel ózin soqqyǵa jyqqan er adamdy qushaqtap, súiip, onymen birge oqiǵa ornynan ketip qalǵan, dep habarlaidy ult.kz.
Kýágerlerdiń aitýynsha, kúdikti áielge birneshe ret qolymen jáne aiaǵymen soqqy jasaǵan. Oqiǵany baiqap qalǵan ótip bara jatqan adamdar jábirlenýshini qorǵaýǵa tyrysqan. Biraq jábirlenýshi ózin soqqyǵa jyqqan er adammen birge ketken.
Áleýmettik jelilerde taraǵan beinejazba kópshiliktiń qyzý talqysyna tústi. Kóptegen qoldanýshy mundai jaǵdai turmystyq zorlyq-zombylyqtyń kórinisi ekenin aityp, jábirlenýshilerdiń agressordan birden kete almaýy psihologiialyq táýeldilik pen qorqynyshqa bailanysty bolýy múmkin ekenin jazýda.
Oqiǵaǵa qatysty quqyq qorǵaý organdarynyń resmi málimdemesi ázirge jariialanǵan joq.
