Qyrǵyzstan Prezidenti Sooronbai Jeenbekov eldiń Jogorký Keneshine baǵdarlamany bekitý, qurylymdy jáne respýblika úkimetiniń quramyn anyqtaý týraly qaýlyny qaitardy. Bul týraly QR Prezident apparatynyń aqparattyq saiasat bólimi málim etti, dep habarlaidy "Ult aqparat" Kabar agenttigine silteme jasap.
Jogorký Kenesh qaýlysynyń kóshirmeleri Prezident apparatyna 2020 jyldyń 12 qazanynda kelip túsken.
QR Konstitýtsiiasynyń 84-baby 5-tarmaǵyna sáikes Prezident úsh kún ishinde Premer-ministr men Úkimettiń basqa da múshelerin taǵaiyndaý týraly jarlyq shyǵarady.
Aita keteiik, Jogorký Keneshtiń bul sheshimi qoǵam arasynda qyzý talqyǵa túsip, qabyldanǵan sheshimniń zańdy ekendigine kúmán keltirýshiler kóp.
Konstitýtsiianyń 77-baby 4-tarmaǵyna sáikes Jogorký Kenesh depýtattarynyń jartysynan kóbi qatysqan jaǵdaida Jogorký Kenesh otyrysy zańdy dep esepteledi.
«Jogorký Keneshtiń reglamenti týraly» Zańnyń 82-babyna sáikes Jogorký Keneshtiń jáne onyń organdarynyń otyrystary kvorým bolǵan kezde zańdy, al qabyldanǵan sheshimder – zańdy kúshi bar dep esepteledi. Jogorký Kenesh, komitetter, komissiia otyrystarynyń kvorýmy Jogorký Kenesh depýtattary, komitetter, komissiialar músheleriniń jalpy sanynyń kóp bóligi qatysqanyn bildiredi.
QR «Jogorký Kenesh reglamenti týraly» Zańynyń 1-babyna sáikes, depýtattar otyrysyna qatysyp otyrǵandar retinde jinalys zalynda bar jáne daýys berý aldynda tirkelgen depýtattar esepteledi.
Iaǵni, 61 depýtat bolǵan kezde kvorým da bolady. Senimhat berý – daýys berýge múmkindik bergenimen, kvorýmdy qurýǵa kepil bola almaidy.
Qolda bar aqparat boiynsha 2020 jyldyń 10 qazanyndaǵy Jogorký Keneshtiń kezekten tys otyrysyna 51 depýtattyń qatysqany jáne 10 depýtattyń senimhat bergeni resmi túrde habarlandy.
Osylaisha, kvorým bolǵan joq, al kvorýmsyz qabyldanǵan sheshimder zańsyz ári zańdy kúshi joq dep esepteledi.
Osyǵan bailanysty, Qyrǵyz prezidentiniń apparaty usynǵan qujattardy parlamentke qaitardy.
