قىرعىزستان پرەزيدەنتٸ سوورونباي جەەنبەكوۆ ەلدٸڭ جوگوركۋ كەنەشٸنە باعدارلامانى بەكٸتۋ, قۇرىلىمدى جەنە رەسپۋبليكا ٷكٸمەتٸنٸڭ قۇرامىن انىقتاۋ تۋرالى قاۋلىنى قايتاردى. بۇل تۋرالى قر پرەزيدەنت اپپاراتىنىڭ اقپاراتتىق ساياسات بٶلٸمٸ مەلٸم ەتتٸ, دەپ حابارلايدى "ۇلت اقپارات" كابار اگەنتتٸگٸنە سٸلتەمە جاساپ.
جوگوركۋ كەنەش قاۋلىسىنىڭ كٶشٸرمەلەرٸ پرەزيدەنت اپپاراتىنا 2020 جىلدىڭ 12 قازانىندا كەلٸپ تٷسكەن.
قر كونستيتۋتسيياسىنىڭ 84-بابى 5-تارماعىنا سەيكەس پرەزيدەنت ٷش كٷن ٸشٸندە پرەمەر-مينيستر مەن ٷكٸمەتتٸڭ باسقا دا مٷشەلەرٸن تاعايىنداۋ تۋرالى جارلىق شىعارادى.
ايتا كەتەيٸك, جوگوركۋ كەنەشتٸڭ بۇل شەشٸمٸ قوعام اراسىندا قىزۋ تالقىعا تٷسٸپ, قابىلدانعان شەشٸمنٸڭ زاڭدى ەكەندٸگٸنە كٷمەن كەلتٸرۋشٸلەر كٶپ.
كونستيتۋتسييانىڭ 77-بابى 4-تارماعىنا سەيكەس جوگوركۋ كەنەش دەپۋتاتتارىنىڭ جارتىسىنان كٶبٸ قاتىسقان جاعدايدا جوگوركۋ كەنەش وتىرىسى زاڭدى دەپ ەسەپتەلەدٸ.
«جوگوركۋ كەنەشتٸڭ رەگلامەنتٸ تۋرالى» زاڭنىڭ 82-بابىنا سەيكەس جوگوركۋ كەنەشتٸڭ جەنە ونىڭ ورگاندارىنىڭ وتىرىستارى كۆورۋم بولعان كەزدە زاڭدى, ال قابىلدانعان شەشٸمدەر – زاڭدى كٷشٸ بار دەپ ەسەپتەلەدٸ. جوگوركۋ كەنەش, كوميتەتتەر, كوميسسييا وتىرىستارىنىڭ كۆورۋمى جوگوركۋ كەنەش دەپۋتاتتارى, كوميتەتتەر, كوميسسييالار مٷشەلەرٸنٸڭ جالپى سانىنىڭ كٶپ بٶلٸگٸ قاتىسقانىن بٸلدٸرەدٸ.
قر «جوگوركۋ كەنەش رەگلامەنتٸ تۋرالى» زاڭىنىڭ 1-بابىنا سەيكەس, دەپۋتاتتار وتىرىسىنا قاتىسىپ وتىرعاندار رەتٸندە جينالىس زالىندا بار جەنە داۋىس بەرۋ الدىندا تٸركەلگەن دەپۋتاتتار ەسەپتەلەدٸ.
ياعني, 61 دەپۋتات بولعان كەزدە كۆورۋم دا بولادى. سەنٸمحات بەرۋ – داۋىس بەرۋگە مٷمكٸندٸك بەرگەنٸمەن, كۆورۋمدى قۇرۋعا كەپٸل بولا المايدى.
قولدا بار اقپارات بويىنشا 2020 جىلدىڭ 10 قازانىنداعى جوگوركۋ كەنەشتٸڭ كەزەكتەن تىس وتىرىسىنا 51 دەپۋتاتتىڭ قاتىسقانى جەنە 10 دەپۋتاتتىڭ سەنٸمحات بەرگەنٸ رەسمي تٷردە حابارلاندى.
وسىلايشا, كۆورۋم بولعان جوق, ال كۆورۋمسىز قابىلدانعان شەشٸمدەر زاڭسىز ەرٸ زاڭدى كٷشٸ جوق دەپ ەسەپتەلەدٸ.
وسىعان بايلانىستى, قىرعىز پرەزيدەنتٸنٸڭ اپپاراتى ۇسىنعان قۇجاتتاردى پارلامەنتكە قايتاردى.
