Bul sońǵy on jylda Arysta bolǵan osymen 4-shi jarylys. Temirjolshylar qalasynda mundai tótenshe jaǵdaidan birneshe adam kóz jumǵan. Alaida, odan tiisti sabaq alynbaǵandyǵy anyq kórindi, – dep jazady Otyrar.kz.
2015 jyldyń 8 qarashasynda Arys qalasy mańyndaǵy poligonda merzimi aiaqtalǵan qarý jaraqty bir top adam zalalsyzdandyryp jatqan kezde, oq-dári jarylyp ketedi. Saldarynan bir jumysshy qaitys bolyp, taǵy biri jaraqat alǵan. Jarylystyń kúshti bolǵany sonshalyq, jaqyn mańda turǵan Kamaz júk kóliginiń kúli kókke ushqan. Abyroi bolǵanda, poligonda bolǵan 16 adam aman qalǵan.
2014 jyly Arys qalasynyń irgesindegi «QazArsenal» oq-dárini zalalsyzdandyrý kásipornynda taǵy da jarylys boldy. Saldarynan eki adam qaza taýyp, bireýi aýyr dene jaraqatyn alǵan.
Joiqyn jarylys osydan 10 jyl buryn da oryn alǵan. Dál osy «QazArsenal» mekemesine qarasty oq-dárilerdi joiý qoimasynda kúshti jarylys bolǵan edi. Ol kezde úsh adam apat ornynda mert bolyp, taǵy bireýi keiinnen aýrýhanada kóz jumdy.
Jaralanǵandar sany 17 bolatyn. Oqiǵa sebebin teksergen mamandar kásiporynda qaýipsizdik sharalary saqtalmaǵan degen toqtamǵa kelgen bolatyn.
Tarihqa tereńirek úńilsek, Arysta 1943 jyly da jarylys bolǵan. Munda artilleriialyq qoima jarylǵan. Ol kezde 4 adam qaza bolyp, 46-sy jaraqat alǵan. 414 vagondardaǵy oq-dári joiylyp ketken. Ol kezdegi jarylysqa da áskeri oq-dárini saqtaý erejesiniń buzylýy sebep bolǵan
Eske salsaq, búgin Arys qalasyndaǵy áskeri bólimniń qoimasynda jarylys bolǵandyǵy týraly habarlaǵan bolatynbyz. QR Qorǵanys ministrligi Arystaǵy jarylystan zardap shekkender joq ekendigin jariialady. Al QR Prezidenti Qasym-Jomart Toqaev tiisti organdarǵa Arystaǵy áskeri bólimdegi oq-dári qoimasynda bolǵan jarylystyń zardaptaryn joiý týraly tapsyrma berdi.
.jpg)