بۇل سوڭعى ون جىلدا ارىستا بولعان وسىمەن 4-شٸ جارىلىس. تەمٸرجولشىلار قالاسىندا مۇنداي تٶتەنشە جاعدايدان بٸرنەشە ادام كٶز جۇمعان. الايدا, ودان تيٸستٸ ساباق الىنباعاندىعى انىق كٶرٸندٸ, – دەپ جازادى Otyrar.kz.
2015 جىلدىڭ 8 قاراشاسىندا ارىس قالاسى ماڭىنداعى پوليگوندا مەرزٸمٸ اياقتالعان قارۋ جاراقتى بٸر توپ ادام زالالسىزداندىرىپ جاتقان كەزدە, وق-دەرٸ جارىلىپ كەتەدٸ. سالدارىنان بٸر جۇمىسشى قايتىس بولىپ, تاعى بٸرٸ جاراقات العان. جارىلىستىڭ كٷشتٸ بولعانى سونشالىق, جاقىن ماڭدا تۇرعان كاماز جٷك كٶلٸگٸنٸڭ كٷلٸ كٶككە ۇشقان. ابىروي بولعاندا, پوليگوندا بولعان 16 ادام امان قالعان.
2014 جىلى ارىس قالاسىنىڭ ٸرگەسٸندەگٸ «قازارسەنال» وق-دەرٸنٸ زالالسىزداندىرۋ كەسٸپورنىندا تاعى دا جارىلىس بولدى. سالدارىنان ەكٸ ادام قازا تاۋىپ, بٸرەۋٸ اۋىر دەنە جاراقاتىن العان.
جويقىن جارىلىس وسىدان 10 جىل بۇرىن دا ورىن العان. دەل وسى «قازارسەنال» مەكەمەسٸنە قاراستى وق-دەرٸلەردٸ جويۋ قويماسىندا كٷشتٸ جارىلىس بولعان ەدٸ. ول كەزدە ٷش ادام اپات ورنىندا مەرت بولىپ, تاعى بٸرەۋٸ كەيٸننەن اۋرۋحانادا كٶز جۇمدى.
جارالانعاندار سانى 17 بولاتىن. وقيعا سەبەبٸن تەكسەرگەن ماماندار كەسٸپورىندا قاۋٸپسٸزدٸك شارالارى ساقتالماعان دەگەن توقتامعا كەلگەن بولاتىن.
تاريحقا تەرەڭٸرەك ٷڭٸلسەك, ارىستا 1943 جىلى دا جارىلىس بولعان. مۇندا ارتيللەرييالىق قويما جارىلعان. ول كەزدە 4 ادام قازا بولىپ, 46-سى جاراقات العان. 414 ۆاگوندارداعى وق-دەرٸ جويىلىپ كەتكەن. ول كەزدەگٸ جارىلىسقا دا ەسكەري وق-دەرٸنٸ ساقتاۋ ەرەجەسٸنٸڭ بۇزىلۋى سەبەپ بولعان
ەسكە سالساق, بٷگٸن ارىس قالاسىنداعى ەسكەري بٶلٸمنٸڭ قويماسىندا جارىلىس بولعاندىعى تۋرالى حابارلاعان بولاتىنبىز. قر قورعانىس مينيسترلٸگٸ ارىستاعى جارىلىستان زارداپ شەككەندەر جوق ەكەندٸگٸن جارييالادى. ال قر پرەزيدەنتٸ قاسىم-جومارت توقاەۆ تيٸستٸ ورگاندارعا ارىستاعى ەسكەري بٶلٸمدەگٸ وق-دەرٸ قويماسىندا بولعان جارىلىستىڭ زارداپتارىن جويۋ تۋرالى تاپسىرما بەردٸ.
.jpg)