دۋبايدان تەل-اۆيۆكە باعىت العان Flydubai ەۋە كومپانيياسىنىڭ FZ1073 رەيسٸندە تٶتەنشە جاعداي بولىپ, ۇشاق باعىتىن ٶزگەرتٸپ, ساۋد ارابيياسىنىڭ تابۋك قالاسىنا شۇعىل قوندى. بورتتا 174 ادام بولعان, دەپ حابارلايدى ult.kz.
الدىن الا مەلٸمەت بويىنشا, ۇشۋ كەزٸندە ۇشقىشتار اراسىندا جانجال شىققان. بٸر ۇشقىش ەكٸنشٸسٸنە پىشاقپەن شابۋىل جاساعان. سالدارىنان كاپيتان جاراقات العان.
وقيعا كەزٸندە ۇشاق بٸرنەشە مينۋت ٸشٸندە شامامەن 14 مىڭ فۋتقا تٶمەندەگەن. بورتتان الدىمەن جالپى تٶتەنشە جاعدايدى بٸلدٸرەتٸن 7700, كەيٸن ەۋە كەمەسٸنە زاڭسىز ارالاسۋ نەمەسە باسىپ الۋ قاۋپٸن بٸلدٸرەتٸن 7500 سيگنالى بەرٸلگەن.
جولاۋشىلار مەن بورتتاعى ەكيپاج مٷشەلەرٸ كابيناعا كٸرٸپ, شابۋىل جاساعان ۇشقىشتى زالالسىزداندىرعان. سونداي-اق بورتتا بولعان قوسالقى ۇشقىشتار ەۋە كەمەسٸن باسقارۋدى قولعا الىپ, ونى تابۋك ەۋەجايىنا قاۋٸپسٸز قوندىرعان.
ۇشاق كاپيتانى مەن ەكٸنشٸ ۇشقىش اۋرۋحاناعا جەتكٸزٸلگەن. شابۋىل جاساعان ۇشقىش ساۋد ارابيياسىندا ۇستالعانى حابارلاندى. ونىڭ ەرەكەتٸنٸڭ ناقتى سەبەبٸ ەزٸرگە بەلگٸسٸز.
Flydubai كومپانيياسى رەيستەگٸ «كابيناداعى جانجال» فاكتٸسٸن راستادى. كومپانييا تەرگەۋ اياقتالعانشا يزرايلگە جەنە يزرايلدەن ورىندالاتىن رەيستەردٸ ۋاقىتشا توقتاتاتىنىن مەلٸمدەدٸ.
وقيعاعا قاتىستى تەرگەۋ جالعاسىپ جاتىر. كەيبٸر يزرايلدٸك شەنەۋنٸكتەر بۇل ەرەكەتتٸ ەۋە كەمەسٸن قاساقانا قۇلاتۋعا جاسالعان ەرەكەت رەتٸندە باعالاعانىمەن, وقيعانىڭ ناقتى سەبەبٸ مەن شابۋىل جاساعان ادامنىڭ ۋەجٸ رەسمي تٷردە ەلٸ انىقتالعان جوق.
