پرەمەر-مينيستردٸڭ ورىنباسارى قانات بوزىمباەۆ اتىراۋ وبلىسىنا جۇمىس ساپارى اياسىندا «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى شەڭبەرٸندە جٷزەگە اسىرىلىپ جاتقان نىسانداردى ارالاپ, كەرٸز تازارتۋ قۇرىلىستارىن قايتا جاڭعىرتۋ, سٷزگٸلەۋ ستانساسىن سالۋ جۇمىستارىمەن تانىستى. سونداي-اق ول ازاماتتىق قورعاۋ جٷيەسٸنٸڭ دايىندىعىن تەكسەرٸپ, «اۋىل اماناتى» جوباسى اياسىنداعى اۋىل شارۋاشىلىعى نىسانىنا دا باردى, دەپ حابارلايدى ult.kz.
ۇلتتىق جوبا شەڭبەرٸندە اتىراۋ قالاسىنداعى جىلۋ جەلٸلەرٸ جاڭعىرتىلۋ ٷستٸندە. جەلٸنٸڭ جالپى ۇزىندىعى 409,2 شاقىرىم بولسا, توزۋ دەڭگەيٸ — 62,3%. جوبادا توزۋ دەڭگەيٸ 95%-عا جەتكەن, ۇزىندىعى 8 شاقىرىمعا جۋىق ۋچاسكەنٸ رەكونسترۋكتسييالاۋ كٶزدەلگەن. نەتيجەسٸندە جىلۋ شىعىنىن 75%-عا ازايتۋ جوسپارلانىپ وتىر. 2030 جىلدىڭ سوڭىنا دەيٸن قالادا 26,6 شاقىرىم جاڭا جىلۋ جەلٸسٸن تارتۋ جوسپارلانعان. بۇل جۇمىستار ينجەنەرلٸك جەلٸلەردٸڭ جالپى فيزيكالىق توزۋىن 40%-عا دەيٸن تٶمەندەتۋگە مٷمكٸندٸك بەرەدٸ.
ٶڭٸردە ەلەكتر جەلٸلەرٸ دە جاڭارتىلىپ جاتىر. «اتىراۋ جارىق» جشس 110 كۆ ەۋە جەلٸلەرٸنٸڭ 114,6 شاقىرىمىن, 35 كۆ جەلٸلەردٸڭ 50,7 شاقىرىمىن جەنە 6/10 كۆ جەلٸلەردٸڭ 238 شاقىرىمىن, سونداي-اق 46 ترانسفورماتورلىق قوسالقى ستانسانى جاڭارتۋدى كٶزدەيتٸن 9 ٸس-شارانى قولعا العان. بۇدان بٶلەك, ەلەكتر ەنەرگيياسىن اۆتوماتتى ەسەپكە الاتىن 10,5 مىڭنان استام قۇرال ورناتىلىپ, 16 قوسالقى ستانسادا SCADA جٷيەسٸ ەنگٸزٸلەدٸ. قۇرىلىس-مونتاج جۇمىستارى 2027 جىلعى اقپاندا باستالماق.
قانات بوزىمباەۆ ساپاردى قورتىتىندىلاپ, جاۋاپتى مەملەكەتتٸك ورگاندار مەن ۇيىمدارعا كوممۋنالدىق ينفراقۇرىلىمنىڭ پروبلەمالى نىساندارىنا قاتىستى شەشٸمدەردٸ دەر كەزٸندە قابىلداۋدى, جۇمىستاردىڭ مەرزٸمٸن سوزباۋدى جەنە جاڭعىرتۋدىڭ ۇزاق مەرزٸمدٸ نەتيجەسٸنە باسىمدىق بەرۋدٸ تاپسىردى.
سونداي-اق ينجەنەرلٸك جەلٸلەردٸ كەشەندٸ جاڭارتۋعا, تازارتۋ قۇرىلىستارىنىڭ تيٸمدٸلٸگٸنە, سۋمەن جابدىقتاۋدىڭ سەنٸمدٸلٸگٸنە جەنە ٶڭٸردٸڭ سۋ شارۋاشىلىعى ينفراقۇرىلىمىن دامىتۋعا ەرەكشە نازار اۋدارۋدى جٷكتەدٸ.
