Ishki ister ministri Marat Ahmetjanov kórshi elde ishinara mobilizatsiia jariialanǵaly beri elge qansha reseilik kirip-shyqqanyn aitty, dep habarlaidy "Ult aqparat".
Úkimet otyrysynan keiin jýrnalister ministrden 21 qyrkúiekten beri Reseiden Qazaqstanǵa qansha adam kirgenin surady.
"Másele baqylaýda. Qazaqstanǵa 200 myńnan asa Resei azamaty kirdi. Biraq búgingi tańda elden 147 myńy shyǵyp ketti", - dedi ol.
Ahmetjanov Resei azamattarynyń kirýine eshqandai shekteýler bolmaitynyn aitty.
"Mobilizatsiia jariialaǵan kezde shekarada úlken keptelis bolǵany ras. Degenmen kesheden beri kóshi-qon burynǵy qalpyna kelip jatyr. Mysaly, keshe elimizge Resei Federatsiiasynyń 7 myńnan asa azamaty kirse, 11 myńǵa jýyǵy basqa elge ketti", - dep qosty ol.
