ٸشكٸ ٸستەر مينيسترٸ مارات احمەتجانوۆ كٶرشٸ ەلدە ٸشٸنارا موبيليزاتسييا جارييالانعالى بەرٸ ەلگە قانشا رەسەيلٸك كٸرٸپ-شىققانىن ايتتى, دەپ حابارلايدى "ۇلت اقپارات".
ٷكٸمەت وتىرىسىنان كەيٸن جۋرناليستەر مينيستردەن 21 قىركٷيەكتەن بەرٸ رەسەيدەن قازاقستانعا قانشا ادام كٸرگەنٸن سۇرادى.
"مەسەلە باقىلاۋدا. قازاقستانعا 200 مىڭنان اسا رەسەي ازاماتى كٸردٸ. بٸراق بٷگٸنگٸ تاڭدا ەلدەن 147 مىڭى شىعىپ كەتتٸ", - دەدٸ ول.
احمەتجانوۆ رەسەي ازاماتتارىنىڭ كٸرۋٸنە ەشقانداي شەكتەۋلەر بولمايتىنىن ايتتى.
"موبيليزاتسييا جارييالاعان كەزدە شەكارادا ٷلكەن كەپتەلٸس بولعانى راس. دەگەنمەن كەشەدەن بەرٸ كٶشٸ-قون بۇرىنعى قالپىنا كەلٸپ جاتىر. مىسالى, كەشە ەلٸمٸزگە رەسەي فەدەراتسيياسىنىڭ 7 مىڭنان اسا ازاماتى كٸرسە, 11 مىڭعا جۋىعى باسقا ەلگە كەتتٸ", - دەپ قوستى ول.
