Soltústik óńirlerdegi orys halqynyń tarihi otany Reseige údere kóshýi áserinen turǵyndar sany kemip, jumys kúshiniń jetispeýshiligi úlken problemaǵa ainalyp otyr. Esesine Túrkistan oblysynda artyq eńbek kúshi jeterlik...
Eger sizdiń baspanańyz joq bolsa, jumysyńyz joq bolsa baspanaly bolýǵa, jumys tabýǵa tolyq múmkindigińiz bar..
Ol úshin jergilikti jerdegi jumyspen qamtý ortalyǵyna habarlassańyz bolǵany..
ShQO, SQO, Pavlodar, Qostanai oblystary sizderdi kútip otyr.
Jer óńdeimin, mal asyraimyn nemese ózge kásip asham degen azamattarǵa barlyq múmkindik bar...
1. Básekeles az.
2. Memlekettiń qamqorlyǵy úlken.
3. Muǵalim bolsańyz, "Diplommen aýylǵa" baǵdarlamasy b oiynsha memleketten kómek alasyz.
Baspana jeterlik.
Qalasańyz kópqabatty úiden páter ala alasyz.
Qalasańyz, aýdany kemi 90 sharshy metrlik jer úi, qalasańyz, burynǵy sovhozdardan qalǵan kirpish kottedj ala alasyz.
"Buryn bar, buryn barsań oryn bar"...
Erterek qimyldaý kerek.
Soltústik Qazaqstan oblysynda ǵana Ońtústikten qonys aýdarýshylarǵa arnap 428 úi salynyp jatyr.
Tek Shal aqyn aýdanynda (SQO) ǵana ońtústikten qonys aýdaratyndar úshin biyl 26 úi beriledi.
Úiler 4 tiptik joba boiynsha salynyp jatyr. Eń shaǵyn úidiń ózi 90 sharshy metr.
Pavlodar oblysyna "Nurly kósh" baǵdarlamasy boiynsha turǵyn úi qurylysy úshin kelesi jylǵa 8 mlrd teńge bólingen.
Kásipkerlikpen ainalysam deseńiz, óndirgen taýaryńyzǵa tutynýshy daiyn. Atalǵan oblystarmen shekaralas Reseidiń 4 oblysynda ǵana 18 mln halyq turady.
Memlekettik qyzmetke beiimi bar azamattardy jergilikti turǵyndar ózderi-aq kóteretinin kózimiz kórdi.
2017 jyly SQO, M.Jumabaev aýdanyna muǵalim bolyp barǵan Nurjamal Támbetova qazir aýdan ákiminiń bas keńesshisi.
Tórearyqtyq (Arys) Berik Qalmuratov Ordabasy aýdany ákimdigindegi jumysyn tastap, biyl aqpan aiynda Qostanai oblysy Sarykól aýdanyna qonys aýdarǵan. Kele sala memlekettiń kómegimen úi alyp, úi mańyndaǵy jer telimine qiiar, kartop egip tastapty. Odan ózge 50 sotyq jylyjaiǵa taǵy biraz kókónis otyrǵyzypty. Úiiniń janyndaǵy kólge úirek-qaz asyrapty. Beriktiń iskerligin baiqaǵan aýyl turǵyndary jaqynda aýyldyq okrýgtiń ákimi etip sailapty.
Aita berse, mundai faktiler óte kóp.
Al atalǵan oblystardyń tabiǵatynyń sulýlyǵyn sýretteý úshin aqyn bolý kerek.
Osy oraida Jetisai aýdandyq máslihatynyń depýtaty Ádilhan Asaýovtyń aýdan turǵyndarymen kezdesýde aitqan áńgimesi eske túcip otyr.
"Meniń ákemniń týǵan jeri - Qazyǵurt baýraiyndaǵy Beinetkesh aýyly. Soǵystan keiin ákem Tashkentke oqýǵa túsipti. 1947 jyldar shamasynda bolsa kerek, jazǵy demalysqa kelse, aýyl joq. Jurtta qalǵan aqsaq itti jetelep, kórshi aýylǵa barady. Sol jerde óz aýylyn taily-tuiaǵyna deiin ókimet Myrzashólge kanal qazýǵa aidap áketkenin estidi.
Sonymen sońynda aqsaq it Keles ózenin jaǵalap, odan Syrdy boilap Myrzashólge 8 kún degende jetedi. Jan-jaqtan jinalǵan qaraqurym adam ataqty "Kirov" kanalyn ketpen-kúrekpen qazyp jatyr.
Surastyryp júrip óz týystaryn tabady. Kanal qazýshy jumyskerlerdiń barlyǵy jerkepe qazyp alǵan. Keibir jerkepe qazǵan kezde, kórshi kepege ótip ketip, eki otbasynyń arasynda qabyrǵa bolmai qalǵan jaǵdailar jeterlik eken.
Tańerteń úlken qazanǵa sý quiyp qainata bastaidy. Sý qainaǵan kezde oǵan kirpisheshen, tasbaqa, jylan deisiz be, ustaǵandaryn sala beredi. Jumyskerler ǵana emes, bala-shaǵa, qatyn-qalash bárine túski as álgi sorpa.
Kelgen jaǵyna qashqandardy NKVD sottaidy..."
Mine, qazir úi salmaq túgili buzaý arqandaityn bos jer qalmaǵan Myrzashóldi qazaq osylai gúldendirgen.
Soltústikti de qazaqqa toltyramyz. Aiaqqa oralǵandardy attap ótip...
Ómir Shynybekulynyń facebook paraqshasynan
