سولتٷستٸك ٶڭٸرلەردەگٸ ورىس حالقىنىڭ تاريحي وتانى رەسەيگە ٷدەرە كٶشۋٸ ەسەرٸنەن تۇرعىندار سانى كەمٸپ, جۇمىس كٷشٸنٸڭ جەتٸسپەۋشٸلٸگٸ ٷلكەن پروبلەماعا اينالىپ وتىر. ەسەسٸنە تٷركٸستان وبلىسىندا ارتىق ەڭبەك كٷشٸ جەتەرلٸك...
ەگەر سٸزدٸڭ باسپاناڭىز جوق بولسا, جۇمىسىڭىز جوق بولسا باسپانالى بولۋعا, جۇمىس تابۋعا تولىق مٷمكٸندٸگٸڭٸز بار..
ول ٷشٸن جەرگٸلٸكتٸ جەردەگٸ جۇمىسپەن قامتۋ ورتالىعىنا حابارلاسساڭىز بولعانى..
شقو, سقو, پاۆلودار, قوستاناي وبلىستارى سٸزدەردٸ كٷتٸپ وتىر.
جەر ٶڭدەيمٸن, مال اسىرايمىن نەمەسە ٶزگە كەسٸپ اشام دەگەن ازاماتتارعا بارلىق مٷمكٸندٸك بار...
1. بەسەكەلەس از.
2. مەملەكەتتٸڭ قامقورلىعى ٷلكەن.
3. مۇعالٸم بولساڭىز, "ديپلوممەن اۋىلعا" باعدارلاماسى ب ويىنشا مەملەكەتتەن كٶمەك الاسىز.
باسپانا جەتەرلٸك.
قالاساڭىز كٶپقاباتتى ٷيدەن پەتەر الا الاسىز.
قالاساڭىز, اۋدانى كەمٸ 90 شارشى مەترلٸك جەر ٷي, قالاساڭىز, بۇرىنعى سوۆحوزداردان قالعان كٸرپٸش كوتتەدج الا الاسىز.
"بۇرىن بار, بۇرىن بارساڭ ورىن بار"...
ەرتەرەك قيمىلداۋ كەرەك.
سولتٷستٸك قازاقستان وبلىسىندا عانا وڭتٷستٸكتەن قونىس اۋدارۋشىلارعا ارناپ 428 ٷي سالىنىپ جاتىر.
تەك شال اقىن اۋدانىندا (سقو) عانا وڭتٷستٸكتەن قونىس اۋداراتىندار ٷشٸن بيىل 26 ٷي بەرٸلەدٸ.
ٷيلەر 4 تيپتٸك جوبا بويىنشا سالىنىپ جاتىر. ەڭ شاعىن ٷيدٸڭ ٶزٸ 90 شارشى مەتر.
پاۆلودار وبلىسىنا "نۇرلى كٶش" باعدارلاماسى بويىنشا تۇرعىن ٷي قۇرىلىسى ٷشٸن كەلەسٸ جىلعا 8 ملرد تەڭگە بٶلٸنگەن.
كەسٸپكەرلٸكپەن اينالىسام دەسەڭٸز, ٶندٸرگەن تاۋارىڭىزعا تۇتىنۋشى دايىن. اتالعان وبلىستارمەن شەكارالاس رەسەيدٸڭ 4 وبلىسىندا عانا 18 ملن حالىق تۇرادى.
مەملەكەتتٸك قىزمەتكە بەيٸمٸ بار ازاماتتاردى جەرگٸلٸكتٸ تۇرعىندار ٶزدەرٸ-اق كٶتەرەتٸنٸن كٶزٸمٸز كٶردٸ.
2017 جىلى سقو, م.جۇماباەۆ اۋدانىنا مۇعالٸم بولىپ بارعان نۇرجامال تەمبەتوۆا قازٸر اۋدان ەكٸمٸنٸڭ باس كەڭەسشٸسٸ.
تٶرەارىقتىق (ارىس) بەرٸك قالمۇراتوۆ ورداباسى اۋدانى ەكٸمدٸگٸندەگٸ جۇمىسىن تاستاپ, بيىل اقپان ايىندا قوستاناي وبلىسى سارىكٶل اۋدانىنا قونىس اۋدارعان. كەلە سالا مەملەكەتتٸڭ كٶمەگٸمەن ٷي الىپ, ٷي ماڭىنداعى جەر تەلٸمٸنە قييار, كارتوپ ەگٸپ تاستاپتى. ودان ٶزگە 50 سوتىق جىلىجايعا تاعى بٸراز كٶكٶنٸس وتىرعىزىپتى. ٷيٸنٸڭ جانىنداعى كٶلگە ٷيرەك-قاز اسىراپتى. بەرٸكتٸڭ ٸسكەرلٸگٸن بايقاعان اۋىل تۇرعىندارى جاقىندا اۋىلدىق وكرۋگتٸڭ ەكٸمٸ ەتٸپ سايلاپتى.
ايتا بەرسە, مۇنداي فاكتٸلەر ٶتە كٶپ.
ال اتالعان وبلىستاردىڭ تابيعاتىنىڭ سۇلۋلىعىن سۋرەتتەۋ ٷشٸن اقىن بولۋ كەرەك.
وسى ورايدا جەتٸساي اۋداندىق مەسليحاتىنىڭ دەپۋتاتى ەدٸلحان اساۋوۆتىڭ اۋدان تۇرعىندارىمەن كەزدەسۋدە ايتقان ەڭگٸمەسٸ ەسكە تٷcٸپ وتىر.
"مەنٸڭ ەكەمنٸڭ تۋعان جەرٸ - قازىعۇرت باۋرايىنداعى بەينەتكەش اۋىلى. سوعىستان كەيٸن ەكەم تاشكەنتكە وقۋعا تٷسٸپتٸ. 1947 جىلدار شاماسىندا بولسا كەرەك, جازعى دەمالىسقا كەلسە, اۋىل جوق. جۇرتتا قالعان اقساق يتتٸ جەتەلەپ, كٶرشٸ اۋىلعا بارادى. سول جەردە ٶز اۋىلىن تايلى-تۇياعىنا دەيٸن ٶكٸمەت مىرزاشٶلگە كانال قازۋعا ايداپ ەكەتكەنٸن ەستيدٸ.
سونىمەن سوڭىندا اقساق يت كەلەس ٶزەنٸن جاعالاپ, ودان سىردى بويلاپ مىرزاشٶلگە 8 كٷن دەگەندە جەتەدٸ. جان-جاقتان جينالعان قاراقۇرىم ادام اتاقتى "كيروۆ" كانالىن كەتپەن-كٷرەكپەن قازىپ جاتىر.
سۇراستىرىپ جٷرٸپ ٶز تۋىستارىن تابادى. كانال قازۋشى جۇمىسكەرلەردٸڭ بارلىعى جەركەپە قازىپ العان. كەيبٸر جەركەپە قازعان كەزدە, كٶرشٸ كەپەگە ٶتٸپ كەتٸپ, ەكٸ وتباسىنىڭ اراسىندا قابىرعا بولماي قالعان جاعدايلار جەتەرلٸك ەكەن.
تاڭەرتەڭ ٷلكەن قازانعا سۋ قۇيىپ قايناتا باستايدى. سۋ قايناعان كەزدە وعان كٸرپٸشەشەن, تاسباقا, جىلان دەيسٸز بە, ۇستاعاندارىن سالا بەرەدٸ. جۇمىسكەرلەر عانا ەمەس, بالا-شاعا, قاتىن-قالاش بەرٸنە تٷسكٸ اس ەلگٸ سورپا.
كەلگەن جاعىنا قاشقانداردى نكۆد سوتتايدى..."
مٸنە, قازٸر ٷي سالماق تٷگٸلٸ بۇزاۋ ارقاندايتىن بوس جەر قالماعان مىرزاشٶلدٸ قازاق وسىلاي گٷلدەندٸرگەن.
سولتٷستٸكتٸ دە قازاققا تولتىرامىز. اياققا ورالعانداردى اتتاپ ٶتٸپ...
ٶمٸر شىنىبەكۇلىنىڭ facebook پاراقشاسىنان
