Foto: primeminister.kz
Senat otyrysynan keiin ótken BAQ-qa arnalǵan brifing barysynda Premer-Ministr Álihan Smaiylov Memleket basshysynyń respýblikadaǵy infliatsiiany eki ese tómendetý týraly tapsyrmasynyń oryndalý barysy týraly aityp berdi, dep habarlaidy "Ult aqparat" Úkimet basshysynyń baspasóz qyzmetine silteme jasap.
Premer-Ministr jyldyq infliatsiia aqpan aiynda sharyqtaý shegine jetip, qazan aiynyń qorytyndysy boiynsha 10,8%-ǵa deiin tómendegenin atap ótti.
«Búgingi tańda infliatsiianyń eki ese tómendegenin baiqap otyrmyz. Jyl sońyna deiin onyń deńgeii 10%-dan tómen bolady dep boljaimyz. Bul Úkimet pen Ulttyq bank júzege asyryp jatqan tiisti sharalar kesheni nátije bere bastaǵanyn kórsetedi», — dedi Álihan Smaiylov.
Máselen, turaqtandyrý qorlarynyń qyzmeti qaita uiymdastyryldy. Aýyl sharýashylyǵy taýaryn óndirýshilerdi qarjylandyrýǵa basymdyq berildi, bul otandyq óndiristi qoldaýǵa, ekonomikanyń osy sektoryn damytýǵa jáne naryqtaǵy baǵany turaqtandyrýǵa yqpal etti. Sondai-aq maýsymaralyq kezeńde baǵany turaqtandyrý úshin taýarlyq interventsiialar júzege asyrylýda.
Oǵan qosa óńirlik komissiialardyń baqylaý qyzmeti jolǵa qoiyldy. Jalpy myńǵa jýyq deldaldyq shemalar anyqtaldy.
Sonymen qatar halyqty arzandatylǵan azyq-túlikpen qamtamasyz etý úshin elimizdiń barlyq óńirinde apta saiyn aýyl sharýashylyǵy jármeńkeleri ótkiziledi. Un men áleýmettik nan baǵasynyń ósýin tejeý maqsatynda «Azyq-túlik korporatsiiasy» qorlarynan óńirlerge arzandatylǵan astyqty jetkizý boiynsha sharalar qabyldanyp jatyr.
Premer-Ministr orta merzimdi perspektivada infliatsiiany taǵy 2 esege, iaǵni 2026 jyly 5%-ǵa deiin tómendetý jónindegi jumys jalǵasatynyn atap ótti.
