فوتو: primeminister.kz
سەنات وتىرىسىنان كەيٸن ٶتكەن باق-قا ارنالعان بريفينگ بارىسىندا پرەمەر-مينيستر ەليحان سمايىلوۆ مەملەكەت باسشىسىنىڭ رەسپۋبليكاداعى ينفلياتسييانى ەكٸ ەسە تٶمەندەتۋ تۋرالى تاپسىرماسىنىڭ ورىندالۋ بارىسى تۋرالى ايتىپ بەردٸ, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
پرەمەر-مينيستر جىلدىق ينفلياتسييا اقپان ايىندا شارىقتاۋ شەگٸنە جەتٸپ, قازان ايىنىڭ قورىتىندىسى بويىنشا 10,8%-عا دەيٸن تٶمەندەگەنٸن اتاپ ٶتتٸ.
«بٷگٸنگٸ تاڭدا ينفلياتسييانىڭ ەكٸ ەسە تٶمەندەگەنٸن بايقاپ وتىرمىز. جىل سوڭىنا دەيٸن ونىڭ دەڭگەيٸ 10%-دان تٶمەن بولادى دەپ بولجايمىز. بۇل ٷكٸمەت پەن ۇلتتىق بانك جٷزەگە اسىرىپ جاتقان تيٸستٸ شارالار كەشەنٸ نەتيجە بەرە باستاعانىن كٶرسەتەدٸ», — دەدٸ ەليحان سمايىلوۆ.
مەسەلەن, تۇراقتاندىرۋ قورلارىنىڭ قىزمەتٸ قايتا ۇيىمداستىرىلدى. اۋىل شارۋاشىلىعى تاۋارىن ٶندٸرۋشٸلەردٸ قارجىلاندىرۋعا باسىمدىق بەرٸلدٸ, بۇل وتاندىق ٶندٸرٸستٸ قولداۋعا, ەكونوميكانىڭ وسى سەكتورىن دامىتۋعا جەنە نارىقتاعى باعانى تۇراقتاندىرۋعا ىقپال ەتتٸ. سونداي-اق ماۋسىمارالىق كەزەڭدە باعانى تۇراقتاندىرۋ ٷشٸن تاۋارلىق ينتەرۆەنتسييالار جٷزەگە اسىرىلۋدا.
وعان قوسا ٶڭٸرلٸك كوميسسييالاردىڭ باقىلاۋ قىزمەتٸ جولعا قويىلدى. جالپى مىڭعا جۋىق دەلدالدىق سحەمالار انىقتالدى.
سونىمەن قاتار حالىقتى ارزانداتىلعان ازىق-تٷلٸكپەن قامتاماسىز ەتۋ ٷشٸن ەلٸمٸزدٸڭ بارلىق ٶڭٸرٸندە اپتا سايىن اۋىل شارۋاشىلىعى جەرمەڭكەلەرٸ ٶتكٸزٸلەدٸ. ۇن مەن ەلەۋمەتتٸك نان باعاسىنىڭ ٶسۋٸن تەجەۋ ماقساتىندا «ازىق-تٷلٸك كورپوراتسيياسى» قورلارىنان ٶڭٸرلەرگە ارزانداتىلعان استىقتى جەتكٸزۋ بويىنشا شارالار قابىلدانىپ جاتىر.
پرەمەر-مينيستر ورتا مەرزٸمدٸ پەرسپەكتيۆادا ينفلياتسييانى تاعى 2 ەسەگە, ياعني 2026 جىلى 5%-عا دەيٸن تٶمەندەتۋ جٶنٸندەگٸ جۇمىس جالعاساتىنىن اتاپ ٶتتٸ.
