Premer-ministr Álihan Smaiylov Úkimet Astanadaǵy jeńil relsti júie qurylysyna qalai aqsha bóletinin túsindirdi, - dep habarlaidy Tengrinews.kz agenttigi.
"Biz bul jobanyń aldaǵy taǵdyry týraly kóp talqyladyq. Osy jobany odan ári damytýdyń ártúrli shemalaryn, ártúrli nusqalaryn zerttei kele, halyqaralyq sarapshylardyń pikirin eskerip, jobany jalǵastyryp, ony birshama ońtailandyrylǵan túrde aiaqtaimyz degen sheshimge keldik", - dedi Smaiylov.
Ol qazir Úkimet qarjylandyrýdy jalǵastyryp jatqanyn, atap aitqanda, LRT qurylysyn jalǵastyrýǵa qosymsha 20 milliard teńge bólingenin aitty.
"Bul aqsha igerilip jatqandyqtan, biz ony damytýdyń tiimdiligin, osy joba aiasyndaǵy maqsattar men mindetterge qol jetkizýdi qarastyramyz. Sodan keiin bul jobany aiaqtaý úshin kezeń-kezeńimen qosymsha qarajat bóletin bolamyz.
LRT jobasymen ákimdik ainalysady jáne aqshany ákimdik bóledi. Biz bul qarajatty jumystyń durys atqarylyp jatqanyn teksere otyryp kezeń-kezeńimen bólip otyramyz", - dedi Premer-ministr.
