پرەمەر-مينيستر ەليحان سمايىلوۆ ٷكٸمەت استاناداعى جەڭٸل رەلستٸ جٷيە قۇرىلىسىنا قالاي اقشا بٶلەتٸنٸن تٷسٸندٸردٸ, - دەپ حابارلايدى Tengrinews.kz اگەنتتٸگٸ.
"بٸز بۇل جوبانىڭ الداعى تاعدىرى تۋرالى كٶپ تالقىلادىق. وسى جوبانى ودان ەرٸ دامىتۋدىڭ ەرتٷرلٸ سحەمالارىن, ەرتٷرلٸ نۇسقالارىن زەرتتەي كەلە, حالىقارالىق ساراپشىلاردىڭ پٸكٸرٸن ەسكەرٸپ, جوبانى جالعاستىرىپ, ونى بٸرشاما وڭتايلاندىرىلعان تٷردە اياقتايمىز دەگەن شەشٸمگە كەلدٸك", - دەدٸ سمايىلوۆ.
ول قازٸر ٷكٸمەت قارجىلاندىرۋدى جالعاستىرىپ جاتقانىن, اتاپ ايتقاندا, LRT قۇرىلىسىن جالعاستىرۋعا قوسىمشا 20 ميلليارد تەڭگە بٶلٸنگەنٸن ايتتى.
"بۇل اقشا يگەرٸلٸپ جاتقاندىقتان, بٸز ونى دامىتۋدىڭ تيٸمدٸلٸگٸن, وسى جوبا اياسىنداعى ماقساتتار مەن مٸندەتتەرگە قول جەتكٸزۋدٸ قاراستىرامىز. سودان كەيٸن بۇل جوبانى اياقتاۋ ٷشٸن كەزەڭ-كەزەڭٸمەن قوسىمشا قاراجات بٶلەتٸن بولامىز.
LRT جوباسىمەن ەكٸمدٸك اينالىسادى جەنە اقشانى ەكٸمدٸك بٶلەدٸ. بٸز بۇل قاراجاتتى جۇمىستىڭ دۇرىس اتقارىلىپ جاتقانىن تەكسەرە وتىرىپ كەزەڭ-كەزەڭٸمەن بٶلٸپ وتىرامىز", - دەدٸ پرەمەر-مينيستر.
