Soltústik Qazaqstan oblysynyń Sokolovka eldi mekeninde koronavirýs infektsiiasynyń kóptep taralýyna bailanysty búginnen bastap karantindik shekteý sharalary kúsheitildi, dep habarlaidy "Ult aqparat".
Qyzyljar aýdanynyń bas sanitar dárigeri Jangeldi Ibraevtiń aitýynsha, aqpan aiynyń basynan Sokolovka eldi mekeninde koronavirýs infektsiiasyn juqtyrýdyń 18 jaǵdaiy tirkelgen. Sonyń tórteýi ótken aptada anyqtalǵan.
«Oblystyq shtabtyń sheshimimen eger de eldi mekende 10 jáne odan da kóp aýyrǵan adam tirkelse, tizbekti úzip, juqtyrǵandar sanyn azaitý úshin karantindik shekteý sharalary kúsheitiledi. Alaida blok-postar qoiylmaidy. Ótken aptada Sokolovkada 4 jaǵdai tirkelse, onyń aldynda 14 adamda KVI anyqtaldy. Inkýbatsiialyq jaǵdai 14 kún bolǵandyqtan shekteý sharalaryn qatańdatýǵa sheshim qabyldadyq», - deidi Jangeldi Ibraev.
Aýdannyń bas sanitar dárigeriniń aitýynsha, aýdanda koronavirýs boiynsha jaǵdai turaqtalyp keledi. Aqpan aiynyń basynda 69 adamda KVI anyqtalsa, ótken aptada ol 43-ke deiin azaidy. Qazir mundaǵy Sokolov, Ozernyi jáne Sivkov orta mektepteri karantinge jabylyp, oqýshylary qashyqtan oqýǵa ketti.
